Спецпрадстаўнік ЗША Стыў Уіткаф і зяць прэзідэнта ЗША Дональда Трампа Джарэд Кушнер далажылі Дональду Трампу пра сваю сустрэчу з Уладзімірам Пуціным, якая прайшла 2 снежня ў Маскве.
Як паведамляе Reuters, неназваны прадстаўнік Белага дома сказаў, што сустрэча паміж бакамі прайшла змястоўна і плённа.
«ЗША і Расія ўдзельнічалі ў стараннай, прадуктыўнай сустрэчы. Спецыяльны пасланнік Уіткаф і спадар Кушнер далажылі прэзідэнту і ўкраінскаму боку пасля сустрэчы», — расказаў ён выданню.
Дэталяў, што менавіта Уіткаф і Кушнер дакладвалі Трампу і ўкраінскаму боку, раскрыта не было.
У той жа час міністр замежных спраў Украіны Андрэй Сібіга пацвердзіў, што пасля перамоў у Маскве ўкраінскі прадстаўнік, сакратар Рады нацыянальнай бяспекі і абароны Рустэм Умераў меў тэлефонную размову са Стывам Уіткафам. Міністр, аднак, адзначыў, што праз тэлефон складана абмяркоўваць дэталі, бо гэта вельмі адчувальны працэс.
Увогуле ж прадстаўнікі амерыканскай дэлегацыі адзначылі, што размовы ў Маскве мелі станоўчае значэнне для мірнага працэсу. Акрамя таго, ЗША запрасілі ўкраінскую дэлегацыю працягнуць перамовы ў Амерыцы.
Напярэдадні Уіткаф і Кушнер наведалі Маскву, дзе абмяркоўвалі з Пуціным магчымасці дасягнення міру паміж Украінай і Расіяй. Акрамя асноўнага амерыканскага плана, расійскаму боку перадалі яшчэ нейкія чатыры дадатковыя дакументы.
Пасля перамоў у Крамлі заявілі, што кампрамісаў пакуль няма, але ёсць патэнцыял працягваць дыялог. Паводле слоў памочніка Пуціна Юрыя Ушакова, абмяркоўваліся некалькі магчымых схем урэгулявання ваеннага канфлікту.
Як па-рознаму выглядаў Стыў Уіткаф на сустрэчах з Пуціным і з украінцамі
Пяскоў: Пуцін не адхіляў мірнага плана ЗША
Сустрэча Зяленскага з Уіткафам у Бруселі скасаваная
Перад сустрэчай з Уіткафам і Кушнерам Пуцін заявіў, што гатовы да вайны з Еўропай
«Зарабляйце, а не ваюйце». Трамп і Уіткаф вераць, што Пуцін можа пайсці на мір дзеля прыбыткаў. Або самі мараць аб зыску
Каментары