Прэзідэнт Расіі Уладзімір Пуцін пачаў сустрэчу з прадстаўнікамі прэзідэнта ЗША Стывам Уіткафам і Джарэдам Кушнерам. Кадры з мерапрыемства апублікавала прэс-служба Крамля.
Прэс-сакратар Пуціна Дзмітрый Пяскоў раней казаў, што перамовы пачнуцца пасля пятай гадзіны паводле маскоўскага часу, але ў рэальнасці яны стартавалі бліжэй да восьмай, са спазненнем амаль на тры гадзіны. Да гэтага Пуцін выступаў, а потым меў зносіны з журналістамі на форуме «Расія кліча», а ягоны прадстаўнік Кірыл Дзмітрыеў тым часам вадзіў амерыканскіх гасцей па цэнтры Масквы.
За сталом перамоў разам са спецпрадстаўніком прэзідэнта ЗША Стывам Уіткафам сядзіць зяць Трампа Джарэд Кушнер, а з Пуціным — ягоны памочнік Юрый Ушакоў і Кірыл Дзмітрыеў. Міністра замежных спраў Расіі Сяргея Лаўрова на сустрэчы няма.
У пачатку адкрытай для прэсы часткі сустрэчы Пуцін заявіў, што рады бачыць Уіткафа і Кушнера, а таксама адзначыў, што да пачатку сустрэчы тыя паспелі прагуляцца па Маскве. У адказ Уіткаф назваў Маскву «цудоўным горадам».
Паводле інфармацыі выдання Axios, чакаецца, што пасля перамоў з Пуціным Уіткаф і Кушнер сустрэнуцца з Уладзімірам Зяленскім у адной з еўрапейскіх краін.
Каментары
кремлевский карлик демонстративно показал, где место этой америки..
и эти клоуны сглотнут и сделают вид, что все нормально.
омерзительное зрелище.. закончились там давно рейганы, черчилли и тетчеры.. выродились. беда..