Бразілец прадаў усю маёмасць і праехаў 2000 кіламетраў дзеля жанчыны. Але яго чакала жорсткае расчараванне
Бландзінка Жэсіка Алівейра з фермы так зачаравала мужчыну, што той не адчуў падвоху.
49‑гадовы будаўнік Эдымар Марцінс з Бразіліі так закахаўся ў жанчыну, якая была згенераваная штучным інтэлектам, што прадаў усё, што меў, каб пераехаць да яе.
Эдымар расказаў бразільскаму тэлебачанню TV Mirante, што з 2020 года сачыў у сацсетках за профілем бландзінкі Жэсікі Алівейра і лічыў яе сапраўднай. Ён прадаў усю маёмасць, каб аплаціць дарогу да яе,— паміж горадам Імператрыс, дзе жыў мужчына, і Белу-Арызонці больш за 2000 км.
У профілі Жэсікі было больш за 300 тысяч падпісчыкаў. Яна называла сябе разведзенай, шукала мужчыну для жыцця на ферме і абяцала яму фінансавую дапамогу. Профіль таксама рэкламаваў інтэрнэт-краму.
Эдымар не адчуў разводу, бо грошай у яго ніколі не прасілі, наадварот, профіль нават прапаноўваў аплаціць паездку.
Праўда раскрылася, калі ў Белу-Арызонці мужчына так і не змог знайсці каханую і пайшоў на мясцовае радыё. Там яму сказалі, што гэта фэйк, а відэа зробленыя ШІ.
Эдымару дапамагалі мясцовыя жыхары, а мэрыя Белу-Арызонці дала ежу, начлег і білет у Аўгусцінопаліс, дзе ён нарадзіўся. Цяпер ён жыве ў сваякоў у Імператрысе. Але кажа, што не шкадуе і хоча зноў паехаць шукаць каханне.
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»48
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2626
Каментары