8 і 9 лістапада ва Львове адбудуцца дзве сустрэчы з беларускім журналістам, былым палітвязнем і актывістам Саюза палякаў Беларусі Анджэем Пачобутам. Пра гэта паведамілі Цэнтр польскай культуры ў Львове і Цэнтр памежжа Украінскага каталіцкага ўніверсітэта, заўважыла выданне Reform.news.
Першая сустрэча запланаваная на 8 лістапада а 19:00 у Цэнтры польскай культуры на вуліцы Віннічэнкі, 30. Для Пачобута гэта будзе першы візіт у Львоў.
Арганізатары называюць мерапрыемства магчымасцю асабіста пагутарыць з журналістам пра свабоду, салідарнасць, польскую ідэнтычнасць і цану, якую даводзіцца плаціць за вернасць уласным перакананням. Праект фінансуецца Міністэрствам замежных спраў Польшчы ў межах праграмы «Палонія і палякі за мяжой — 2026».
Другая сустрэча адбудзецца 9 лістапада апоўдні ва Украінскім каталіцкім універсітэце, у студэнцкім цэнтры K2 на вуліцы Казельніцкай, 2А. Яе тэмай стане «Украіна пад ціскам: ці ёсць у незалежнасці і дэмакратыі шанец выстаяць у сучасным свеце?»
Удзельнікі збіраюцца абмеркаваць барацьбу за свабоду, цану незалежнасці, досвед супрацьстаяння аўтарытарызму, а таксама выклікі, перад якімі сёння стаяць Украіна, Беларусь і дэмакратычны свет.
Мадэратаркай сустрэчы будзе валанцёрка і прадстаўніца беларускай супольнасці Львова Аліна Рудзіна.
Арганізатарамі выступаюць Цэнтр памежжа Украінскага каталіцкага ўніверсітэта, Цэнтр польскай культуры ў Львове і Фонд падтрымкі палякаў на Усходзе пры ўдзеле прадстаўнікоў мясцовай беларускай супольнасці.
Раней Андрэй Пачобут у размове з польскім выданнем Rzeczpospolita паведаміў, што ў снежні вернецца ў Беларусь на пастаяннае жыхарства. Раней ён на тыдзень з'ездзіў на радзіму ў верасні.
«Маё вяртанне — дакладна ў турму». Алесь Бяляцкі — пра прыклад Пачобута і магчымую рэальную колькасць палітвязняў
Андрэй Пачобут вяртаецца ў Беларусь на пастаяннае жыхарства ў снежні
Агенцтва ўнутранай бяспекі Польшчы паказала, як мянялі Андрэя Пачобута
Андрэй Пачобут стаў «Асобай года» ў Польшчы
Пачобут паразважаў пра будучыню ў рэгіёне: Калі геаграфічна Беларусь з’яўляецца часткай Еўропы, то палітычна — гэта частка Азіі
Цяпер чытаюць
А што будзе, калі вярнуцца ў Беларусь? Кажуць жа, што рэпрэсіі заканчваюцца5
А што будзе, калі вярнуцца ў Беларусь? Кажуць жа, што рэпрэсіі заканчваюцца
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра1919
Каментары