Агенцтва ўнутранай бяспекі Польшчы паказала, як мянялі Андрэя Пачобута
ABW адыграла ключавую ролю ў падрыхтоўцы і правядзенні гэтай аперацыі
Польскае Агенцтва ўнутранай бяспекі (ABW) паказала кадры абмену зняволенымі паміж Польшчай і Беларуссю, у выніку якога 28 красавіка быў вызвалены журналіст Андрэй Пачобут.
Ведамства апублікавала ў X фрагменты запісаў з месца правядзення аперацыі, звярнула ўвагу Reform.news.
«ABW адыграла ключавую ролю ў падрыхтоўцы і правядзенні гэтай аперацыі», — гаворыцца ў каментары.
Абмену прысвечаны выпуск праграмы Raport Specjalny пад назвай «Новая халодная вайна» на тэлеканале TVP Info. Ён выйдзе ў эфір 25 кастрычніка ў 20:15.
У праграме супрацоўнік ABW падзеліцца падрабязнасцямі аперацыі і раскажа пра асаблівасці такіх мерапрыемстваў, паведамілі ў ведамстве.
Андрэй Пачобут быў вызвалены вясной гэтага года ў выніку абмену па формуле «пяць на пяць», праведзенага Польшчай і Беларуссю. У арганізацыі абмену таксама ўдзельнічалі ЗША.
Пры вызваленні Андрэй Пачобут атрымаў запэўненні, што зможа вярнуцца ў Беларусь. У пачатку верасня ён здзейсніў тыднёвую паездку ў краіну, дзе сустрэўся з роднымі і актывістамі Саюза палякаў у Беларусі.
Цяпер чытаюць
Трагедыя з 30‑гадовай доктаркай са Старобіна — пайшла выдаляць зуб мудрасці і памерла10
Каментары