Лукашэнка: Беларусы чакаюць з'яўлення ў крамах мангольскага кашміру
Манголія плануе да 2029 года павялічыць утрая аб’ём узаемнага гандлю з Беларуссю. Пра гэта заявіў прэзідэнт Манголіі Ухнаагійн Хурэлсух падчас сустрэчы з Аляксандрам Лукашэнкам.
Па выніках перамоў у пашыраным складзе Беларусь і Манголія падпісалі пакет двухбаковых дакументаў. У прыватнасці, краіны ўзгаднілі дарожную карту развіцця супрацоўніцтва на 2027—2029 гады.
Палітыкі таксама абмяняліся ратыфікацыйнымі граматамі Дагавора аб дружалюбных адносінах і супрацоўніцтве, які быў заключаны падчас першага візіту Лукашэнкі ў Манголію ў чэрвені 2024 года.
Бакі падпісалі дарожную карту супрацоўніцтва ў сельскай гаспадарцы на 2027—2029 гады, а таксама пагадненні аб узаемадзеянні ў мытнай і інфармацыйнай сферах і аб міжрэгіянальным супрацоўніцтве.
Падчас перамоў Лукашэнка адзначыў магчымасці для павелічэння ўзаемнага тавараабароту, якія адкрывае гандлёвае пагадненне паміж Еўразійскім эканамічным саюзам і Манголіяй. Яно набыло моц ў ліпені 2026 года.
Паводле Лукашэнкі, беларускія спажыўцы чакаюць з’яўлення ў крамах мангольскага кашміру, вырабаў са скуры і воўны, а таксама іншай мангольскай прадукцыі.
Асобнай тэмай перамоў стала супрацоўніцтва ў сельскай гаспадарцы. Лукашэнка нагадаў, што ў чэрвені ўрады дзвюх краін дамовіліся аб новых пастаўках беларускай тэхнікі ў Манголію. Гаворка ідзе пра трактары, машыны для збору бульбы і камянёў, а таксама зернесушылкі.
Лукашэнка таксама расказаў пра планы ствараць у Манголіі сэрвісныя цэнтры і сумесныя вытворчасці, а таксама развіваць супрацоўніцтва ў падрыхтоўцы кадраў. Раней паведамлялася, што беларускі вытворца кар’ерных самазвалаў БелАЗ разглядае магчымасць запуску ў Манголіі зборачнай вытворчасці сваёй тэхнікі.
Па словах амбасадара Беларусі ў Манголіі Міхаіла Орды, цяпер у краіне эксплуатуецца каля 7,5 тысячы беларускіх трактароў маркі Belarus. Мангольскі бок таксама зацікаўлены ў беларускай пажарнай, лесанарыхтоўчай і энерганасычанай тэхніцы, а таксама ў прадукцыі «Гомсельмаша».
Орда адзначыў, што ў Манголіі ёсць каля 130 тысяч квадратных кіламетраў тайгі, якую неабходна асвойваць і перапрацоўваць. Паводле яго слоў, Беларусь мае адпаведны досвед і кампетэнцыі.
Сярод іншых перспектыўных напрамкаў супрацоўніцтва пасол назваў харчовую і горназдабыўную прамысловасць, будаўніцтва, а таксама развіццё кантактаў паміж дзелавымі коламі дзвюх краін.
Цяпер чытаюць
Трагедыя з 30‑гадовай доктаркай са Старобіна — пайшла выдаляць зуб мудрасці і памерла16
Каментары
Кто именно заждался кашемир в Беларуси?!