Галоўнага ідэолага Белчыгункі адправілі на пенсію — а ён знайшоў новую працу
63‑гадовы Пётр Стоцкі, які 16 гадоў адказваў за ідэалогію і кадры на Беларускай чыгунцы, знайшоў новую няпыльную працу — ён стаў начальнікам гомельскай міні-футбольнай каманды БЧ.
Як абвясцілі ў інстаграме клуба, Стоцкі цяпер узначаліў адміністрацыйны штаб каманды чыгуначнікаў.
«Яго галоўная задача — весці наш клуб да новых вышынь і забяспечваць надзейны тыл для перамог на паркеце», — паведамілі ў клубе.
З Беларускай чыгункі Стоцкі нядаўна сышоў на пенсію. У маі яму споўнілася 63 гады. На пасадзе намесніка начальніка чыгункі ён з 2010 года адказваў за арганізацыю ідэалагічнай і кадравай працы, а таксама дысцыпліну.
Пётр Стоцкі быў узорным ідэолагам. Трапіўшы ў крэсла намесніка Беларускай чыгункі пасля ўзгаднення яго кандыдатуры Лукашэнкам, Стоцкі падтрымліваў дзяржаўны курс: арганізоўваў прапагандысцкія сустрэчы калектыву з прадстаўнікамі выбарчай камісіі, а ў 2020 годзе, пасля сфальсіфікаваных выбараў, стаў датычным да звальнення супрацоўнікаў, якія ўдзельнічалі ў мірных акцыях пратэсту.
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»47
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2626
Каментары