Выдавецтва «Папуры» працягвае выдаваць творы Эрыха Марыі Рэмарка ў перакладзе на беларускай мове.
Раней выходзілі «Лісабонская ноч», «Тры таварышы», «На Заходім фронце без перамен» і «Трыумфальная арка», а надоечы пабачыў свет раман «У неба няма ўлюбёнцаў», піша bellit.info.
«Вядомы аўтагоншчык Клерфэ прыязджае ў швейцарскі санаторый «Бэла віста», каб наведаць былога напарніка, які лечыцца ад сухотаў. Там ён сустракае маладую, але цяжка хворую бельгійку Ліліян Дзюнкерк. Яна разумее, што здароўе ёй ужо не паправіць, і прымае рашэнне збегчы з санаторыя з Клерфэ. Ліліян верыць: той, хто на гонках зноў і зноў ставіць жыццё на кон і, гэтаксама як і яна, увесь час адчувае блізкасць смерці, будзе ёй добрым спадарожнікам у кароткім, не абмежаваным умоўнасцямі жыцці. Яны бавяць цудоўны, казачны час у Парыжы, на Сіцыліі, у Венецыі і Манака. Смутак хуткага расстання надае іхняму раману яшчэ больш жарсці. Чым жа скончыцца гэтая гонка са смерцю?» — гаворыцца ў анатацыі да твора.
Раман пераклаў Ігар Крэбс. У выданне таксама ўвайшло пасляслоўе літаратуразнаўцы Тыльмана Вестфалена.
Кнігу можна купіць у кнігарнях у Беларусі і замовіць на маркетплэйсах: Параграф 45, Wildberries, Oz.by.
Цяпер чытаюць
А што будзе, калі вярнуцца ў Беларусь? Кажуць жа, што рэпрэсіі заканчваюцца4
Каментары