У Мінску 60‑гадовы жанаты зваршчык заняўся сэксам з 40‑гадовай выпадковай жанчынай на вачах у людзей
Пара пазнаёмілася на вуліцы, калі жанчына папрасіла закурыць. Цяпер яны пад вартаю чакаюць суду.
Усё адбылося ў чэрвені 2026 года. Пад поўдзень мужчына ішоў у госці да сяброў. На вуліцы да яго падышла незнаёмая жанчына і папрасіла закурыць. Яны разгаварыліся і вырашылі прагуляцца.
На лаўцы ў парку «Цівалі» пара выпіла алкаголю, а потым спусцілася да вадаёма, дзе занялася сэксам.
Гэта ўбачылі мінакі і выклікалі міліцыю. Супрацоўнікі перапынілі пару, затрымалі абаіх і адвезлі ў Фрунзенскае РУУС.
Як расказалі ў пракуратуры, 60‑гадовы мужчына жанаты і працуе зваршчыкам. 40‑гадовая жанчына прыехала ў Мінск з райцэнтра, афіцыйна не працуе і жыве ў знаёмых.
Следства кваліфікавала іх дзеянні як грубае парушэнне грамадскага парадку, якое вызначалася «выключным цынізмам» і было ўчыненае групай асоб (злоснае хуліганства), паведамляюць «Мінск-Навіны».
Паводле пракуратуры, абвінавачаныя цалкам прызналі віну, але скарысталіся правам не даваць паказанняў.
Пад варту іх узялі пазней: яны не з’яўляліся на выклікі, таму былі абвешчаныя ў вышук. Пасля паўторнага затрымання абаіх змясцілі пад варту.
Цяпер чытаюць
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос26
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1313
Каментары
геометрию учить
с разноцветными глазами
попросила закурить