Беларускі санаторый аб'явіў пра зніжкі для ўдзельнікаў расійскай «СВА». А пасля перадумаў
3 лістапада выданне «Люстэрка» звярнула ўвагу, што санаторый «Ружанскі» ў Пружанскім раёне дае зніжку на пуцёўкі «Санаторна-курортнае лячэнне» і «Аздараўленне» расіянам, якія ўдзельнічалі ў вайне ва Украіне. Адпаведная інфармацыя была размешчаная на сайце санаторыя.
Зніжкі памерам 15 і 20% у залежнасці ад даты заезду ўстанова прапаноўвала, як пісалася на сайце:
«— пенсіянерам па ўзросце;
— інвалідам 1-й, 2-й, 3‑й групы;
— ветэранам, удзельнікам і інвалідам Вялікай Айчыннай вайны;
— ветэранам, удзельнікам і інвалідам баявых дзеянняў на тэрыторыі іншых дзяржаў;
— удзельнікам «СВА»;
— ліквідатарам і грамадзянам, пацярпелым ад аварыі на ЧАЭС».
Аднак пасля таго, як пра гэта напісалі ў незалежных СМІ, радок пра ўдзельнікаў «СВА» з сайта знік.
Чаму была прынятая пастанова прыбраць удзельнікаў «СВА» з гэтага пераліку, на сайце санаторыя інфармацыі няма.
Вядома, што акрамя «Ружанскага», «ветэранаў і ўдзельнікаў СВА» з пачатку расійскай узброенай агрэсіі на Украіну прымае Лепельскі вайсковы санаторый. Вядомыя факты іх аздараўлення і ў санаторыі «Вяжуці» пад Маладзечнам.
Цяпер чытаюць
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос22
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1313
Каментары