4 лістапада ў Бухарэсце Святлана Ціханоўская сустрэлася з прэзідэнтам Румыніі Нікушорам Данам. Перамовы адбыліся ў палацы Катрачэнь падчас візіту беларускай дэмакратычнай лідаркі ў Румынію.
Бакі абмеркавалі рэгіянальную бяспеку і падтрымку Украіны, узмацненне ціску на рэжым Лукашэнкі, а таксама дапамогу беларусам за мяжой у пытаннях легалізацыі і адукацыі. Асобна гаворка ішла пра падтрымку незалежных медыя і грамадзянскай супольнасці, перспектывы дэмакратычных пераўтварэнняў у Беларусі і супрацоўніцтва на міжнародным узроўні.
Значную ўвагу падчас сустрэчы бакі надалі вызваленню палітвязняў і падтрымцы людзей, якія пацярпелі ад рэпрэсій. Ціханоўская прапанавала Румыніі далучыцца да Міжнароднага гуманітарнага фонду дапамогі рэпрэсаваным беларусам, а таксама разгледзець магчымасць прызначэння спецыяльнага прадстаўніка для кантактаў з беларускімі дэмакратычнымі сіламі.
Ціханоўская падзякавала Румыніі за падтрымку беларусаў і адзначыла, што для дэмакратычных сіл важна, каб Беларусь заставалася ў цэнтры ўвагі еўрапейскіх партнёраў. Паводле яе слоў, дэмакратычная і незалежная Беларусь адпавядае інтарэсам бяспекі ўсёй Еўропы, у тым ліку Румыніі і Чарнаморскага рэгіёна.
Цяпер чытаюць
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна16
Каментары