Дэмакраты адбіраюць у рэспубліканцаў Сенат і Палату прадстаўнікоў у ЗША
Паводле папярэдніх вынікаў, дэмакраты атрымалі 114 месцаў у Палаце прадстаўнікоў Кангрэса ЗША, рэспубліканцы — 65. Падлік працягваецца, На выбарах у Сенат таксама перамагаюць дэмакраты, і перамагаюць на выбарах губернатараў.
Паводле папярэдніх вынікаў, дэмакраты атрымалі 114 месцаў у Палаце прадстаўнікоў Кангрэса ЗША, рэспубліканцы — 65. Пераможцы ў астатніх 256 акругах па стане на сёмую раніцу па Мінску пакуль не вызначаныя.
Так,у 7‑й выбарчай акрузе Нью-Джэрсі былая пілот ВМС ЗША Рэбека Бенет перамагла дзейнага кангрэсмена-рэспубліканца Тома Кіна-малодшага. У гэтую акругу ўваходзіць гольф-клуб Трампа ў Бедмінстэры.
У 6‑й акрузе Кентукі дэмакрат Зак Дэмба перамог рэспубліканца Ральфа Альварада. Раней гэтае месца займаў рэспубліканец Эндзі Бар, які вырашыў балатавацца ў Сенат.
У 11‑й акрузе Паўночнай Караліны дэмакрат Джэймі Эйджэр перамог рэспубліканку Джэніфер Балкам. Раней акругу прадстаўляў рэспубліканец Чак Эдвардс, які адмовіўся ад пераабрання.
Таксама паводле папярэдніх вынікаў, дэмакраты набіраюць і незалежныя сенатары, якія іх падтрымліваюць, маюць 45 месцаў у Сенаце ЗША, рэспубліканцы — 36.
Яшчэ 19 месцаў застаюцца неразмеркаванымі. Гэтыя лічбы ўлічваюць як вынікі галасавання, так і сенатараў, чые паўнамоцтвы працягваюцца і пасля выбараў.
Вызначальнымі для кантролю над Сенатам могуць стаць выбары на Алясцы, у Аёве, Канзасе, Мэне, Мічыгане, Агаё і Тэхасе, адзначае AP.
Дэмакраты па стане на сёмую раніцы па Мінску маюць 15 губернатараў, рэспубліканцы — 10. Вынікі барацьбы за астатнія 25 пасад пакуль не вызначаныя.
Каментары