У кастрычніку ў Лёзне ў міліцыю звярнулася жанчына: яе маці доўгі час не выходзіла на сувязь. Цяпер у яе гаражы знайшлі чалавечыя парэшткі, паведамляе Следчы камітэт па Віцебскай вобласці.
Паводле звестак следства, у кастрычніку гэтага года ў міліцыю звярнулася жанчына, якая паведаміла, што яе маці працяглы час не выходзіць на сувязь. Падчас вышуку міліцыянты знайшлі ў гаражы, які належыць сям'і пенсіянеркі, металічныя і палімерную ёмістасці з чалавечымі парэшткамі, якія, паводле папярэдняй інфармацыі, могуць належаць зніклай.
Прызначаная судова-медыцынская экспертыза, якая павінна вызначыць, каму належаць парэшткі і што стала прычынай смерці. Пра падазраваных Следчы камітэт не паведаміў.
Між тым, яшчэ 31 кастрычніка тэлеграм-канал «Витебск, я гуляю!» напісаў пра забойства жанчыны ў Лёзне.
Паводле канала, яе дачка расчляніла цела і захоўвала парэшткі ў солевым растворы. Часткі цела знайшлі ў бітонах у гаражы. Канал сцвярджае, што жанчына загінула некалькі гадоў таму, дачку затрымалі — тая нібыта два гады атрымлівала пенсію за памерлую маці.
Гэтыя падрабязнасці пакуль не пацвердзіў СК.
Цяпер чытаюць
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос21
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1313
Каментары
Рэд.
бітон
тлумачэнне слова:
бітон, -а, мужчынскі род
Бляшаная з накрыўкай пасудзіна для пераносу і захавання малака і іншых вадкасцей. Даяркі ў белых, як у медсясцёр, халатах насілі ў малочную бітоны. Шахавец. Стары.. пайшоў да каморы, дзе хавалася ўсялякае начынне, ботам бразнуўся ў бітон з газай... Мікуліч.
[Ад фр. bidon.]
[Зрэдагавана]