Антэны і абсталяванне размясцілі ў сотнях месцаў па ўсім горадзе, каб перашкаджаць дыстанцыйнаму кіраванню расійскімі дронамі. Пра аперацыю расказаў дарадца прэзідэнта Украіны ў пытаннях абаронных тэхналогій Сяргей «Флэш» Бяскрэстнаў.
У допісе ў фэйсбуку Бяскрэстнаў патлумачыў, што адна з тэхналогій, якія дазваляюць расійскім аператарам шукаць цэлі і кіраваць «Шахедамі» на адлегласці, — MESH-радыёсувязь. Паводле яго, аператар можа кіраваць беспілотнікам з тэрыторыі Расіі праз радыёмадэм на борце.
Каб перашкаджаць гэтай сувязі, над Кіевам стварылі ахоўны купал са сродкаў радыёэлектроннай барацьбы.
«Задачы былі маштабныя і амбітныя — за некалькі тыдняў зрабіць вялікі аб’ём работ па ўсім горадзе», — напісаў Бяскрэстнаў.
Паводле яго, да працы далучылі ўсіх асноўных вытворцаў сродкаў РЭБ. Яны кругласутачна выраблялі і ўсталёўвалі абсталяванне.
У аперацыі ўдзельнічалі Генштаб, Міністэрства абароны, МУС, Рада нацыянальнай бяспекі і абароны, Офіс прэзідэнта і падраздзяленні Узброеных сіл Украіны.
Складанасці былі не толькі тэхнічныя: трэба было арганізаваць размяшчэнне антэн і абсталявання ў многіх сотнях месцаў па ўсім Кіеве.
«Гэтая аперацыя прымусіла праціўніка зрабіць паўзу, мадэрнізаваць «Шахеды», шукаць іншыя рашэнні», — дадаў «Флэш».
Цяпер чытаюць
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2929
Каментары
Якую ён Без каштоўна надае ЗСУ некалькі гадоў...