На «Мінск-Арэне» шайба трапіла заўзятарцы ў галаву. Хакеісты наведалі яе ў бальніцы
Падчас нядзельнага матчу паміж мінскім і маскоўскім «Дынама» на «Мінск-Арэне» адбыўся непрыемны інцыдэнт.
У адным з гульнявых эпізодаў шайба вылецела за межы пляцоўкі і трапіла ў галаву заўзятарцы. Праз атрыманыя траўмы жанчыну прыйшлося шпіталізаваць, піша Onliner.by.
Дачка пацярпелай расказала, што ўсё адбылося ў другім перыядзе. Жанчына сядзела ў першым шэрагу, калі падчас аднаго з гульнявых эпізодаў шайба вылецела на трыбуну і трапіла ёй у галаву.
«Моцна крывіла патыліца, хутка ў крыві было ўсё адзенне. Неўзабаве падаспелі дактары і прывялі маму ў прытомнасць нашатырным спіртам, каб яна не губляла прытомнасці. Пасля заканчэння другога перыяду прыйшлі яшчэ супрацоўнікі хуткай дапамогі, якія прынеслі каталку. Яны вынеслі маму з арэны і аказалі першую дапамогу», — расказала Onliner дачка пацярпелай.
Марыну Уладзіміраўну шпіталізавалі ў Бальніцу хуткай дапамогі. У пацярпелай дыягнаставалі чэрапна-мазгавую траўму і наклалі пяць швоў на галаве. Яна знаходзіцца ў стацыянары.
Пацярпелую ў бальніцы наведалі хакеісты Сяргей Кузняцоў і Данііл Сацішвілі. Яны перадалі заўзятарцы падарунак ад каманды.
-
Гулец моладзевай зборнай Беларусі па хакеі прадэманстраваў свае лінгвістычныя здольнасці. Ён ведае пяць моў ВІДЭА
-
Улады Германіі заявілі пра «фактычную немагчымасць» правядзення ў сябе чэмпіянату свету па хакеі, калі ў ім будзе ўдзельнічаць Расія
-
На сайце футбольнага клуба «Катавіцы» памянялі сцяг: чырвона-зялёны на нацыянальны беларускі
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»48
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2626
Каментары