Беларускі аўтавытворца «Белджы» ўстанавіў новы рэкорд продажаў. У кастрычніку жыхары краіны набылі 6700 легкавых аўтамабіляў Belgee і Geely, сабраных на барысаўскім прадпрыемстве. Пра гэта паведамілі ў прэс-службе кампаніі.
Папярэдні рэкорд быў зафіксаваны ў верасні, калі прадалі 6400 новых аўтамабіляў.
Каля 40% кастрычніцкіх продажаў прыпала на гібрыдныя і электрычныя мадэлі — усяго больш за 2640 машын.
Найбольш запатрабаванай мадэллю на рынку новых аўтамабіляў застаецца абноўлены красовер Belgee X50. Значную цікавасць купцы праяўляюць і да больш бюджэтнага красовера: у кастрычніку прадалі больш за 600 такіх аўтамабіляў. Прыкладна столькі ж склалі продажы Belgee X70, што стала рэкордным вынікам для гэтай мадэлі.
Сярод электрамабіляў лідарства захоўвае кампактны Geely EX2 — у кастрычніку было прададзена 1430 такіх машын. Добрыя вынікі паказаў і беларускі гібрыд Belgee X80: за месяц рэалізавалі больш за 620 аўтамабіляў.
У 2027 годзе «Белджы» плануе запусціць штамповачны цэх. Гэта дазволіць павялічыць гадавы выпуск аўтамабіляў са 120 тысяч да 200 тысяч.
Цяпер чытаюць
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»51
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2626
Каментары