Пайшоў у банкруцтва вядомы беларускі вытворца ветэрынарных прэпаратаў
Эканамічны суд Мінска распачаў справу аб банкруцтве ТАА «Экаветдом». Заяву ў суд падала сама кампанія, якая раней была буйным вытворцам і пастаўшчыком ветэрынарных прэпаратаў і сродкаў догляду жывёл для прадпрыемстваў аграпрамысловага комплексу, піша Office Life.
«Экаветдом» працаваў на беларускім рынку з 2007 года і прапаноўваў сельскагаспадарчым прадпрыемствам шырокі асартымент прадукцыі: антыбіётыкі, антысептыкі, прабіётыкі, вітамінныя комплексы і кармавыя дабаўкі.
Паводле судовых дакументаў, адзіным уладальнікам кампаніі з'яўляецца грамадзянін Беларусі. У ліпені 2026 года ён прыняў рашэнне пачаць працэдуру ліквідацыі прадпрыемства.
Аднак закончыць яе не ўдалося, бо даўгі кампаніі ўдвая перавышаюць кошт яе актываў. Паводле звестак ліквідатара, «Экаветдом» завінаваціўся крэдыторам 415,7 тысячы рублёў, а яго актывы ацэньваюцца на 272 тысячы рублёў.
У выніку суд вырашыў адкрыць у дачыненні да кампаніі конкурсную вытворчасць. Да 29 снежня кіраўнік будзе прымаць патрабаванні крэдытораў. Далейшы лёс прадпрыемства вызначаць на наступным судовым пасяджэнні, прызначаным на 27 студзеня.
Цяпер чытаюць
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2828
Каментары