У сезон замены шын актывізуюцца махляры, якія прапануюць аўтамабілістам набыць новыя або патрыманыя шыны вядомых брэндаў з-за мяжы прывабнымі цэнамі. У выніку купцы нярэдка застаюцца і без грошай, і без абяцанага тавару, папярэджвае УУС Мінскага аблвыканкама.
Асаблівую асцярожнасць варта праяўляць пры куплі праз TikTok, Instagram і месенджары. Махляры ствараюць прывабныя старонкі, размяшчаюць на іх скрадзеныя фатаграфіі дарагіх шын і прапануюць іх значна танней, чым у звычайных крамах. Звычайна гаворка ідзе пра нібыта эксклюзіўныя камплекты патрыманых шын з Еўропы ў выдатным стане або новыя шыны ад вытворцаў без гандлёвай нацэнкі.
Калі купец выказвае зацікаўленасць прапановай, прадаўцы пераводзяць размову ў Viber або Telegram, а затым патрабуюць поўную ці частковую папярэднюю аплату. Для пераводу грошай яны дасылаюць рэквізіты папаўнення банкаўскай карткі праз сістэму АРІП. Пасля атрымання грошай махляры блакуюць купца, а аб'ява і сама старонка знікаюць.
Сярод асноўных прыкмет падману — адсутнасць афіцыйнага сайта крамы, адмова ад адпраўкі тавару з аплатай пры атрыманні, патрабаванне загадзя перавесці грошы на картку, а таксама адключаныя або схаваныя каментарыі на старонцы.
Пры куплі праз асабістыя паведамленні ў сацыяльных сетках спажывец фактычна рызыкуе ўласнымі грашыма, бо ў выпадку падману магчымасці абараніць свае правы значна больш абмежаваныя.
Цяпер чытаюць
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра3232
Каментары
У махляроў гэтых нацыянальнасці няма, ці што?