У Новай Зеландыі ў выніку масавага выкідання на бераг загінулі больш за 40 кітоў-пілотаў. Інцыдэнт адбыўся каля аддаленага ўсходняга ўзбярэжжа краіны, піша The Guardian.
Масавае выкіданне жывёл адбылося ў чацвер, 5 лістапада. Пра з'яўленне кітоў на беразе паведамілі каля 8‑й гадзіны раніцы паводле мясцовага часу. Прадстаўнікі мясцовага племя маары і валанцёры спрабавалі выратаваць жывёл, аднак, як паведаміла супрацоўніца Дэпартамента аховы прыроды Арыяна Хавіра, выжыць не ўдалося ніводнаму з іх.
Паводле ацэнак спецыялістаў, на бераг выкінула да 43 кітоў. У арганізацыі Project Jonah, якая ўдзельнічала ў выратавальнай аперацыі, адзначылі, што многія кіты былі ўжо мёртвыя, калі іх знайшлі. Тыя ж, каго пабачылі яшчэ жывымі, таксама памерлі на працягу дня.
Цяпер Дэпартамент аховы прыроды супрацоўнічае з прадстаўнікамі маары, каб арганізаваць пахаванне загінулых жывёл. Для гэтага народа кіты лічацца святой жывёлай.
Кіты-пілоты належаць да сямейства дэльфінавых і могуць важыць да трох тон. Яны часта выскокваюць з вады, аднак прычыны такіх паводзін дагэтуль вывучаныя не цалкам.
Прычыны масавага выкідання кітоў на бераг, якія рэгулярна здараюцца ў розных кутках свету, пакуль навукоўцам невядомыя.
Цяпер чытаюць
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра3030
Каментары