Прэзідэнт Ізраіля Іцхак Герцаг мае намер даручыць фармаванне новага ўрада лідару апазіцыі Гадзі Айзенкоту. Пра гэта паведаміла канцылярыя кіраўніка дзяржавы.
Афіцыйнае даручэнне Айзенкот атрымае ў нядзелю а 17‑й гадзіне паводле мясцовага часу. Пасля гэтага ў яго будзе 28 дзён, каб сфармаваць урадавую кааліцыю.
7 лістапада цяперашні прэм’ер-міністр Ізраіля Біньямін Нетаньяху заклікаў стварыць урад нацыянальнага адзінства. Ён заявіў, што гэта неабходна, каб не дапусціць да ўдзелу ва ўрадзе партыі, якія прадстаўляюць арабскае насельніцтва краіны.
На парламенцкіх выбарах, што адбыліся 27 кастрычніка, ніводзін з палітычных блокаў не атрымаў большасці мандатаў, неабходнай для фармавання ўрада. Найбольшую фракцыю ў парламенце сфармавала палітычная сіла Нетаньяху, а другое месца заняў апазіцыйны альянс Айзенкота.
Аднак рашэнне прэзідэнта яшчэ не азначае, што Айзенкот абавязкова стане новым прэм’ер-міністрам. Раней ён заяўляў, што не мае намеру аб’ядноўвацца з арабскімі партыямі. Пры гэтым падчас перамоў з прэзідэнтам прадстаўнікі гэтых партый выказалі гатоўнасць падтрымаць яго кандыдатуру.
Нетаньяху заявіў, што арабскія партыі «скралі выбары» ў Ізраілі
Абноўленыя экзітполы пасля выбараў у Ізраілі: пераможцы няма, апазіцыйны блок Айзенкота ідзе нароўні з Нетаньяху
Апошні бой Нетаньяху? Ізраіль рыхтуецца да парламенцкіх выбараў — першых пасля 7 кастрычніка і вайны
У Ізраілі мяняецца цэнтр цяжару. Выхадцы з арабскіх краін пераважаюць над выхадцамі з Еўропы — гэта можа адбіцца і на палітыцы
Цяпер чытаюць
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра3232
Каментары