У Depo ля Плошчы Перамогі пачалі прадаваць кватэры ў доме на пешаходнай вуліцы. Адна з іх каштуе амаль $1 мільён
У прэміяльным квартале Depo на плошчы Перамогі стартавалі продажы нерухомасці ў доме Rotax 2. У ім 36 кватэр, а з унутранага двара жыхары змогуць трапіць на пешаходную вуліцу. Цэны пачынаюцца ад $5023 за квадратны метр, піша Office Life.
Будаваць Rotax 2 пачалі ў маі гэтага года, а здаць яго плануюць да канца 2028-га. Дом размешчаны на мяжы квартала і вуліцы Чырвонай. Побач знаходзіцца галоўны арт-аб'ект — «Трамвай, які раствараецца ў часе», набярэжная Свіслачы, галоўная веладарожка, а з двара дома можна будзе трапіць у рэстаран або на пешаходную вуліцу квартала.
Самая маленькая кватэра — 49 квадратных метраў, самая вялікая — 181. Вышыня столяў на тыпавых паверхах — 3,06 метра. Але ёсць і фарматы на апошніх узроўнях з пераменнай вышынёй столяў да 6,78 метра.
Жыллё будзе без чыставога аздаблення, а галоўнай «фішкай» дома стане шкленне. Напрыклад, ёсць мансарды з вуглавымі вокнамі або кватэры з панарамнымі вітражамі.
У доме прадстаўлены розныя тыпы кватэр — ёсць камерныя, а ёсць сямейныя рэзідэнцыі. Напрыклад, пяціпакаёвая кватэра з трыма спальнямі і машына-месцам абыдзецца ў $961,5 тыс.
Прэміяльным кварталам Depo займаецца забудоўшчык «А-100 Дэвелапмент». Цалкам скончыць ЖК плануюць да 2029 года.
Цяпер чытаюць
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос26
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1313
Каментары