Пяты дзень маўчыць канал Z-ваенкара Раманава, які расказаў пра колькасць аўтобусаў з Алешак у Расію і Украіну
Уладзімір Раманаў 30 кастрычніка напісаў, што з акупаваных Алешак ва Украіну выязджаюць 17 аўтобусаў, а ў Расію — толькі чатыры. З 31 кастрычніка яго канал не абнаўляецца. Некаторыя тэлеграм-каналы пішуць пра магчымае затрыманне Раманава.
У канале «Романов Лайт» пяты дзень няма новых публікацый. Да гэтага расійскі Z-блогер рэзанансна пракаментаваў гуманітарную місію ў Алешках.
30 кастрычніка Раманаў паведаміў пра колькасць аўтобусаў з тымі, хто вырашыў ехаць ва Украіну і хто ў Расію. Па словах Раманава, з акупаваных Алешак ва Украіну выехалі 17 аўтобусаў, а ў Расію — 4. Ён таксама засумняваўся, што расійскае тэлебачанне пакажа гэтую карціну: «Па тэлевізары хутчэй за ўсё пакажуць больш нашых аўтобусаў, але ў іх будуць глуха заштораныя вокны».
Хутка і колькасць аўтобусаў, і заўвага пра тэлебачанне з яго допісу зніклі. А з 31 кастрычніка канал наогул не абнаўляецца.
На фоне незвычайнага маўчання блогера, які раней публікаваў дзясяткі допісаў штодзень, канал «Незыгарь» са спасылкай на «Агрегатор правды» напісаў, што Раманава затрымалі ў Севастопалі — яго нібыта могуць прыцягнуць да крымінальнай адказнасці за «фэйкавыя» матэрыялы пра эвакуацыю. Доказаў ці афіцыйнай інфармацыі на гэты конт няма.
Афіцыйных лічбаў вывезеных жыхароў Алешак ні расійскі, ні ўкраінскі бок не публікавалі. Меланія Трамп, пры пасрэдніцтве якой прывялі гэту гуманітарную місію, заявіла, што агулам удалося эвакуяваць каля 800 чалавек. Але гэтая лічба, імаверна, завышаная.
Цяпер чытаюць
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос26
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1313
Каментары