Piaty dzień maŭčyć kanał Z-vajenkara Ramanava, jaki raskazaŭ pra kolkaść aŭtobusaŭ z Alešak u Rasiju i Ukrainu
Uładzimir Ramanaŭ 30 kastryčnika napisaŭ, što z akupavanych Alešak va Ukrainu vyjazdžajuć 17 aŭtobusaŭ, a ŭ Rasiju — tolki čatyry. Z 31 kastryčnika jaho kanał nie abnaŭlajecca. Niekatoryja telehram-kanały pišuć pra mahčymaje zatrymańnie Ramanava.
U kanale «Romanov Łajt» piaty dzień niama novych publikacyj. Da hetaha rasijski Z-błohier rezanansna prakamientavaŭ humanitarnuju misiju ŭ Aleškach.
30 kastryčnika Ramanaŭ paviedamiŭ pra kolkaść aŭtobusaŭ z tymi, chto vyrašyŭ jechać va Ukrainu i chto ŭ Rasiju. Pa słovach Ramanava, z akupavanych Alešak va Ukrainu vyjechali 17 aŭtobusaŭ, a ŭ Rasiju — 4. Jon taksama zasumniavaŭsia, što rasijskaje telebačańnie pakaža hetuju karcinu: «Pa televizary chutčej za ŭsio pakažuć bolš našych aŭtobusaŭ, ale ŭ ich buduć hłucha zaštoranyja vokny».
Chutka i kolkaść aŭtobusaŭ, i zaŭvaha pra telebačańnie ź jaho dopisu źnikli. A z 31 kastryčnika kanał naohuł nie abnaŭlajecca.
Na fonie niezvyčajnaha maŭčańnia błohiera, jaki raniej publikavaŭ dziasiatki dopisaŭ štodzień, kanał «Niezyhaŕ» sa spasyłkaj na «Ahriehator pravdy» napisaŭ, što Ramanava zatrymali ŭ Sievastopali — jaho nibyta mohuć pryciahnuć da kryminalnaj adkaznaści za «fejkavyja» materyjały pra evakuacyju. Dokazaŭ ci aficyjnaj infarmacyi na hety kont niama.
Aficyjnych ličbaŭ vyviezienych žycharoŭ Alešak ni rasijski, ni ŭkrainski bok nie publikavali. Miełanija Tramp, pry pasrednictvie jakoj pryviali hetu humanitarnuju misiju, zajaviła, što ahułam udałosia evakujavać kala 800 čałaviek. Ale hetaja ličba, imavierna, zavyšanaja.
Ciapier čytajuć
«Niama ŭ nas inšych biełarusaŭ». Lidar «Drazdoŭ» zaklikaŭ daravać tym, chto «nie tam łajk pastaviŭ»28
«Niama ŭ nas inšych biełarusaŭ». Lidar «Drazdoŭ» zaklikaŭ daravać tym, chto «nie tam łajk pastaviŭ»
Zamiest pareštkaŭ Vitaŭta za ścianoj Vilenskaj katedry znajšli tolki kuču kamianioŭ. Ale ŭłady Litvy hatovyja vydatkavać na praciah pošukaŭ jašče 1,5 miljona jeŭra2121
Kamientary