У кастрычніку ў Мінску зарэгістравалі 885 здзелак з кватэрамі — гэта менш, чым у верасні. Такія даныя прыводзіць Нацыянальнае кадастравае агенцтва. У верасні ў сталіцы заключылі 1151 здзелку з кватэрамі, у жніўні — 1163, піша Office Life.
Варта ўдакладніць, што кастрычніцкія паказчыкі яшчэ вырастуць з улікам дадатковай рэгістрацыі здзелак. Аднак ужо відавочна, што яны будуць ніжэйшымі, чым у папярэднія месяцы. Паводле статыстыкі, каля 80—88% здзелак з кватэрамі рэгіструецца ў тым жа месяцы, калі быў заключаны дагавор куплі-продажу.
Зніжэнне актыўнасці на рынку нерухомасці назіраецца ва ўсіх рэгіёнах. Такая ж сітуацыя была і ў верасні. Найбольшае падзенне колькасці здзелак зафіксавалі ў Гомелі — мінус 93.
Адзначым, што па выніках апошняга тыдня кастрычніка партал Realt зафіксаваў зніжэнне цэн на кватэры ў Мінску: патаннела 14% прапаноў. У тым ліку ўпершыню знізіліся сярэднія цэны ў «Паўночным беразе» — на 0,6%.
Цяпер чытаюць
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос21
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1313
Каментары