Па словах крыніц WSJ, ён абмяркоўваў гэта з Трампам.
Заснавальнік SpaceX Ілан Маск загадаў запаволіць працу Starshield, ваеннай версіі спадарожнікавай сувязі Starlink, ад якой залежыць Украіна, піша «Дождь» са спасылкай на The Wall Street Journal, якая ў сваю чаргу спасылаецца на амерыканскіх чыноўнікаў і дасведчаныя крыніцы.
Паводле іх слоў, гэтае рашэнне выклікала паніку ў Кіеве і замяшанне ў адміністрацыі Трампа.
Два суразмоўцы WSJ сцвярджаюць, што Маск і Трамп абмеркавалі абмежаванні па тэлефоне неўзабаве пасля таго, як пра іх стала вядома.
Па словах аднаго з іх, размаўлялі яны пра гэта і да рашэння — частка чыноўнікаў лічыць, што Маск дзейнічаў сам, аднак яшчэ адна крыніца газеты расказала, што перад увядзеннем абмежаванняў Маск кантактаваў з некалькімі высокапастаўленымі прадстаўнікамі адміністрацыі, у тым ліку з Трампам.
Калі разгарэўся скандал, прадстаўнікі SpaceX патэлефанавалі ў Белы дом, каб выпрацаваць агульную пазіцыю — кампанія і адміністрацыя ўзгаднілі рашэнне загадзя.
Сам Маск напісаў у X, што абмежаванні вызначаюць амерыканскія ваенныя і ў канчатковым выніку прэзідэнт. Трамп у панядзелак заявіў, што не ведае, хто за гэтым стаіць.
Абмежаванні пачалі дзейнічаць 14 кастрычніка. Паводле даных газеты, праз іх частка ўкраінскіх ударных дронаў і беспілотнікаў-перахопнікаў стала практычна бескарыснай, а ўкраінскія чыноўнікі заявілі, што расійскім ракетам стала прасцей абыходзіць СПА.
Незадоўга да гэтага Маск і Трамп публічна абураліся ўдарамі Украіны па расійскіх НПЗ, якія прэзідэнт ЗША звязвае з высокімі цэнамі на энерганосьбіты. 10 кастрычніка Трамп запатрабаваў ад Зяленскага спыніць такія ўдары, а Маск адказаў, што ўкраінскі прэзідэнт «зайшоў занадта далёка».
Цяпер чытаюць
Трагедыя з 30‑гадовай доктаркай са Старобіна — пайшла выдаляць зуб мудрасці і памерла2
Каментары
[Зрэдагавана]
Заўжды ў нашым цэху прынята даваць спасылку на першакрыніцу, а не на перапосты. Упэўнены, што акрамя "Дождя" гэтую інфу разабралі і шмат іншых рэсурсаў, і не расійскіх, але і ўкраінскіх і розных іншых. Чым вас зацікаўлівае "Дождь"?