Кажуць, што прыходзяць ад даярак да палявода.
У аграгарадку Бярозкі Хоцімскага раёна Магілёўскай вобласці, дзе жыве каля 500 чалавек, адкрыўся манікюрны кабінет. Пакуль ён працуе ў тэставым рэжыме, расказалі на АНТ.
Ідэйны натхняльнік праекта Аляксей Карсюк пераехаў у Бярозкі са сталіцы: захацелася паспрабаваць спакойнага вясковага жыцця. Спачатку ён арандаваў пустыя памяшканні і адкрыў пункт выдачы заказаў.
«Прынялі максімальна добра. Нават бабулі хадзілі, усміхаліся і падміргвалі: «Тут нешта адкрываецца? Супер!»
Запіс на манікюр ідзе жвава. Загадчыца малочна-таварнай фермы «Бярозкі» Аксана Міхаленка, напрыклад, даўно марыла пра прыгожы манікюр, але майстра ў вёсцы не было, а ездзіць у райцэнтр далёка і доўга.
«Цяпер гаспадарка ў людзей ужо меншая, агароды ёсць, але ўсё роўна людзі да гэтага імкнуцца. І старыя ходзяць манікюр робяць».
«А што! У вёсцы таксама прыгажосць любяць, таксама хочуць быць прыгожымі. І мы будзем прыгожымі, нават лепшымі, чым у горадзе», — кажа мясцовая жыхарка Наталля Пацёхіна.
«Я сваю жонку абавязкова адпраўлю, каб зрабіла ўсё як трэба, была як кветка. Пазногцікі, фрызура і вусны падфарбаваныя, каб усё як трэба было. Усё ж і апетыт з'явіцца (смяецца). Да жыцця, я маю на ўвазе», — падзяліўся яшчэ адзін вясковец.
Мясцовыя ўлады ідэю падтрымліваюць.
«Хлопцы, вядома, малайцы, вельмі энергічныя, актыўныя. Яны не стаяць на месцы, у іх вельмі вялікія планы, у якіх мы іх будзем падтрымліваць. Правядзём апытанне жыхароў, чаго не стае аграгарадку, і прапрацуем пытанне далейшага развіцця, магчыма, адкрыцця чагосьці новага, неабходнага», — кажа начальніца аддзела эканомікі Хоцімскага райвыканкама Вольга Галанава.
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»48
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2626
Каментары
Праз такую пагарду могуць самасцвярджацца толькі тыя, хто сам нядаўна пераехаў у горад і больш нічога з сябе не прадстаўляе.
Прагназую тут перапіс элітных жартаўнікоў-манкуртаў.