Яна зняла «Знак бяды», «Чорны замак Альшанскі», «Настассю Слуцкую» і іншыя вядомыя стужкі.
Беларускі саюз кінематаграфістаў паведаміў пра смерць аператара-пастаноўшчыка Таццяны Логінавай.
Яна нарадзілася ў 1944 годзе ў Маскве і з 1970‑га працавала на «Беларусьфільме». Логінава была першай жанчынай-аператаркай у гісторыі нацыянальнай кінастудыі і за паўстагоддзя зняла больш за 35 фільмаў. Сярод іх «Чырвоны агат», «Ясь і Яніна», «Вянок санетаў», «Дзікае паляванне караля Стаха», «Чорны замак Альшанскі», «Знак бяды» і іншыя.
У 1984 годзе Таццяна Логінава атрымала Дзяржаўную прэмію СССР, а ў 2003‑м дыплом за найлепшую аператарскую работу на кінафестывалі «Лістапад» за фільм «Настасся Слуцкая».
Цяпер чытаюць
Масавыя арышты афіцэраў прайшлі на авіябазе ў Мачулішчах — абвінавачваюць у сувязях з апазіцыяй15
Каментары