У «Мінск-Свеце» дазволілі ставіць транспарт пад вуглом да праезнай часткі, але не ўсюды
Праблему недахопу парковачных месцаў пастараліся кропкава вырашыць у жылым комплексе «Мінск-Свет», пішуць Мінск-навіны.
Дваровыя тэрыторыі ў «Мінск-Свеце» ў асноўным застаўленыя машынамі, таксама з-за недахопу парковачных месцаў асабісты транспарт грамадзяне пакідаюць уздоўж праезнай часткі вуліц.
У сувязі з гэтым аддзелам ДАІ было прапанавана арганізаваць пастаноўку аўтамабіляў у першай паласе пад вуглом у 45°, а не паралельна праезнай часткі, як гэта прадпісана правіламі.
За кошт такога рашэння колькасць парковачных месцаў павялічыцца прыкладна ўдвая. Прычым для гэтага абраныя вуліцы, дзе ўплыў транспарту, які там стаіць, на існуючыя інтэнсіўнасць і бяспеку дарожнага руху мінімальны.
У ДАІ называюць адрасы такіх участкаў вулічна-дарожнай сеткі: вул. Ігара Лучанка (ад пл. «Стары аэрапорт» да вул. Ж. Алфёрава ў двух кірунках); вул. Ж. Алфёрава (ад вул. І. Лучанка да вул. М. Савіцкага ў двух кірунках); вул. М. Савіцкага (ад вул. Н. Тэслы да вул. Ж. Алфёрава ў двух кірунках); вул. Брацкая (ад вул. Д. Алфёрава да вул. І. Лучанка ў двух кірунках); вул. Брацкая (ад вул. І. Лучанка да вул. Н. Тэслы ў адным кірунку).
Каментары
Коррупция дешевле строительства парковок.
И Минск - мир - это будущее гетто.