Капітальны рамонт дома, што гарэў на вуліцы Леніна ў Мінску, правядуць у 2027 годзе
У Мінску завершаныя работы па аднаўленні даху жылога дома на вуліцы Леніна, які быў пашкоджаны ў чэрвені ў выніку сур’ёзнага пажару.
Пра падрабязнасці выкананых работ распавёў генеральны дырэктар «Мінскбуда» Анатоль Вядзёрчык, пішуць Мінск-навіны.
Паводле слоў Анатоля Вядзёрчыка, экстраныя меры былі прынятыя адразу пасля ўзгарання.
— Усе нашы арганізацыі адгукнуліся, каб спачатку ўладкаваць часовы дах і не дапусціць затаплення кватэр. Мы задзейнічалі пяць арганізацый: усе нашы трэсты і «Мінскрамбуд» — і справіліся літаральна за 10 дзён, — распавёў генеральны дырэктар «Мінскбуда».
Ён адзначыў, што ўсе работы па ўладкаванні новага даху завершаныя.
— Былі ўзятыя чарцяжы 1950‑х гадоў, калі будаваўся дом, на падставе якіх распрацавалі праект. Мы паралельна вялі будаўніцтва, а праекціроўшчыкі дапрацоўвалі некаторыя вузлы, паколькі з таго часу адбыліся змены, у тым ліку ў будаўнічых нормах, — патлумачыў Анатоль Вядзёрчык.
Акрамя мантажу даху, будаўнікі ўцяплілі яго і адрамантавалі вентыляцыйныя шахты. Цяпер спецыялісты праводзяць абследаванне будынка, каб падрыхтаваць яго да далейшых работ.
— У наступным годзе будзе выкананы капітальны рамонт гэтага дома. Ім таксама зоймуцца нашы арганізацыі, — дадаў генеральны дырэктар «Мінскбуда».
-
Мішусцін: Цана газу для стран ЕАЭС не перавышае 200 даляраў за 1000 кубаметраў
-
Ціханоўскі лайкнуў камент «У Вольнай Беларусі Ціханоўская будзе сядзець за свае злачынствы»
-
Памятаеце вар’яцкую гонку ў Брэсце, падчас якой загінула трое? На ВІДЭА з экшн-камеры матацыкліста відаць, што ён разагнаўся да 186 км/г
Цяпер чытаюць
Памятаеце вар’яцкую гонку ў Брэсце, падчас якой загінула трое? На ВІДЭА з экшн-камеры матацыкліста відаць, што ён разагнаўся да 186 км/г4
Каментары