Зяленскі заявіў, што Пуцін загадаў вайскоўцам адмовіцца ад правілаў вядзення вайны падчас абстрэлаў Украіны
Паводле яго слоў, Пуцін аддаў гэты загад у верасні.
Зяленскі заявіў, што Пуцін загадаў вайскоўцам адмовіцца ад правілаў вядзення вайны падчас абстрэлаў Украіны. Такую інфармацыю ўкраінскія спецслужбы атрымалі ў выніку перахопу разведвальных даных, заявіў прэзідэнт Украіны ў інтэрв’ю Financial Times, піша «Медуза».
Адмена абмежаванняў прывяла да рэзкага павелічэння колькасці ўдараў па грамадзянскіх аб’ектах. Паводле слоў Зяленскага, Пуцін аддаў гэты загад у верасні, калі Расія ўзмацніла ўдары па Кіеве, трапляючы па школах, бальніцах і дата-цэнтрах.
Украінскія чыноўнікі таксама заяўляюць, што Расія збіраецца наносіць удары па ядзерных аб’ектах, каб абясточыць іх, узмацніць ціск на Кіеў і прымусіць Украіну саступіць патрабаванням Расіі ў пачатку 2027 года.
Іншая мэта паветранай кампаніі Расіі — новая хваля ўкраінскіх бежанцаў у Еўрапейскі саюз, якая створыць дадатковую нагрузку на краіны, дзе ўзмацняюцца антымігранцкія настроі.
Цяпер чытаюць
Дзе працуюць і як выглядаюць жонкі топ-чыноўнікаў?16
Дзе працуюць і як выглядаюць жонкі топ-чыноўнікаў?
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1111
Каментары
[Зрэдагавана]