Парэшткі, якія звязваюць са славутым балгарскім царом Самуілам, знайшлі падчас археалагічных раскопак у базыліцы Святога Ахіля на востраве Прэспа. У 1965 годзе прафесар Нікалаас Муцопулас выявіў там чатыры саркафагі і антрапалагічныя матэрыялы. Апошнія гады знаходкі захоўваліся ў Музеі візантыйскай культуры ў Салоніках. Цяпер яны перадаюцца Балгарыі ў рамках пагаднення аб культурным абмене паміж дзвюма краінамі, піша Euronews.
Узамен Грэцыя атрымае 48 рэліквій з манастыроў Панагія Ікасіфінісіса і Яна Прадвесніка ў Сероне, а таксама з Серонскай і Нігрыцкай мітраполіі. Да канчатковага вяртання ў месцы, адкуль гэтыя рэліквіі былі вывезеныя, яны будуць экспанавацца ў Музеі візантыйскай культуры да 5 лістапада 2026 года.
Цырымонія ўзаемнай перадачы адбылася ў Салоніках у прысутнасці прэм'ер-міністра Грэцыі Кірыякаса Міцатакіса і прэм'ер-міністра Балгарыі Румена Радзева. Падчас цырымоніі былі падпісаныя адпаведныя пратаколы аб перадачы і прыёме рэліквій.
Працэдура стала вынікам мемарандума аб узаемаразуменні, падрыхтаванага пасля шматгадовых перамоваў і рэгулярных кантактаў паміж дзвюма краінамі. Дакумент падпісалі міністры культуры Грэцыі і Балгарыі Ліна Мендоні і Яфцім Мілошаў.
Цар Самуіл (кіраваў у 997—1014 гадах, фактычна з 976 года) — правіцель Першага Балгарскага царства, вядомы сваім працяглым і драматычным супрацьстаяннем з Візантыйскай імперыяй. Дзясяткамі гадоў ён паспяхова стрымліваў экспансію Візантыі пад кіраўніцтвам імператара Васіля II і перанёс сталіцу дзяржавы на захад, у Охрыд (цяпер на тэрыторыі Паўночнай Македоніі).
У 1014 годзе ў бітве на Клейдыёне (Беласіцы) войска Самуіла было разгромлена. Васіль II загадаў асляпіць каля 15 000 палонных балгараў, пакінуўшы толькі па аднавокім павадыры на кожную сотню, каб завесці сляпых на радзіму.
Убачыўшы сваё аслепленае войска, Самуіл, як паведамляюць некаторыя крыніцы, не вытрымаў і памёр ад сардэчнага прыступу. Праз чатыры гады пасля яго смерці, у 1018 годзе, Першае Балгарскае царства канчаткова пала пад ударамі Візантыі.
Прэм'ер-міністр Балгарыі заклікаў Еўропу пайсці на саступкі Пуціну
Беларусы прывезлі з Капенгагена «крыж каралевы Сафіі». Гісторыкі называюць яго біжутэрыяй за 4000 еўра
Карціны з беларускай сядзібы Радзівілаў вярнулі, але ў Польшчу
Францыя вяртае Мадагаскару чэрап мясцовага караля, якому адсеклі галаву 128 гадоў таму
Дзе працуюць і як выглядаюць жонкі топ-чыноўнікаў?16
Дзе працуюць і як выглядаюць жонкі топ-чыноўнікаў?
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1111
Каментары