Свет

Францыя вяртае Мадагаскару чэрап мясцовага караля, якому адсеклі галаву 128 гадоў таму

Францыя прыняла рашэнне вярнуць Мадагаскару тры чалавечыя чэрапы з каланіяльнай эпохі. Паводле меркавання экспертаў, адзін з іх належаў малагасійскаму каралю Таэры, якому французскія вайскоўцы сцялі галаву ў XIX стагоддзі. У 1897 годзе чэрап караля вывезлі ў Францыю як ваенны трафей і размясцілі ў Парыжскім музеі прыродазнаўства разам са шматлікімі іншымі чалавечымі парэшткамі з вострава, паведамляе Euronews.

Фота: AP

Міністарка культуры Францыі Рашыда Даці адзначыла, што гэтыя чарапы трапілі ў нацыянальныя музейныя калекцыі ў абставінах, якія абражалі чалавечую годнасць і былі вынікам каланіяльнага гвалту. У сваю чаргу, міністарка культуры Мадагаскара Валаміранці Дона Мара назвала вяртанне чэрапаў вельмі важным крокам і сімвалам новага этапу супрацоўніцтва паміж краінамі. Адсутнасць гэтых рэліквій у краіне на працягу 128 гадоў стала, маўляў, адкрытай ранай для народа.

Аб’яднаны навуковы камітэт пацвердзіў, што чэрапы належаць народу сакалава, а адзін з іх з вялікай верагоднасцю быў чэрапам караля Таэры. Прэзідэнт Францыі Эмануэль Макрон з часу свайго абрання ў 2017 годзе прызнаваў некаторыя «перагіны» ў палітцыі Францыі ў Афрыцы і ў 2024 годзе падчас візіту на Мадагаскар казаў пра імкненне «папрасіць прабачэння» за кроў і трагедыю каланіяльнай эпохі.

Фота: x.com/AfricanHub_

Парэшткі будуць вернутыя на востраў і пахаваныя ў нядзелю.

У апошнія гады Францыя актыўна імкнецца разабрацца з каланіяльным мінулым, вяртаючы парэшткі і культурныя каштоўнасці, але дагэтуль гэта складаны працэс. У 2023 годзе быў прыняты закон, які спрашчае рэпатрыяцыю чалавечых парэшткаў, а таксама закон аб вяртанні мастацкіх твораў, украдзеных нацыстамі. Плануецца, што ў будучыні падобныя законы дапамогуць вяртаць і культурныя каштоўнасці, скрадзеныя ў каланіяльны перыяд.

Каментары

Цяпер чытаюць

Бясцэнныя каштоўнасці скрадзеныя за 7 хвілін. Новыя падрабязнасці абрабавання Луўра3

Бясцэнныя каштоўнасці скрадзеныя за 7 хвілін. Новыя падрабязнасці абрабавання Луўра

Усе навіны →
Усе навіны

Дзяржава просіць у беларусаў падзяліцца сваім бачаннем развіцця краіны на пяць год наперад — можна ананімна і без рэгістрацыі31

Выйшаў рэпартаж пра чатырох беларусаў, якія ваююць за Украіну ў мінамётным разліку на Харкаўшчыне5

Журналіста Паўла Дабравольскага абвінавацілі ў «здрадзе дзяржаве»6

У Лагойскім раёне прадаюць базу адпачынку за 3,2 мільёна даляраў1

Журавіны — на морс, кітайскі вінаград — на дэсерт: што ўзяць на Камароўцы ў гэтыя выхадныя1

Створаны беларусам стартап панізіў акцыі Duolingo6

У Латвіі завялі крымінальную справу на мужчыну, які абражаў у цягніку ў Швейцарыі ўкраінска-беларускую сям'ю11

Якія прысуды даюць па справе Гаюна?13

«Куды глядзіць санстанцыя?» У сталоўцы, дзе харчуюцца сляпыя людзі, прадаюць катлеты з сырым мясам10

больш чытаных навін
больш лайканых навін

Бясцэнныя каштоўнасці скрадзеныя за 7 хвілін. Новыя падрабязнасці абрабавання Луўра3

Бясцэнныя каштоўнасці скрадзеныя за 7 хвілін. Новыя падрабязнасці абрабавання Луўра

Галоўнае
Усе навіны →

Заўвага:

 

 

 

 

Закрыць Паведаміць