Рыжанкоў: Для сустрэчы Лукашэнкі і Трампа робяцца адпаведныя крокі
Міністр замежных спраў расказаў, чаму сустрэча не адбылася ў мінулым годзе.
У Мінску разглядаюць сустрэчу Дональда Трампа і Аляксандра Лукашэнкі ў «практычнай плоскасці», для яе арганізацыі робяцца адпаведныя крокі, заявіў у інтэрв’ю РІА Навіны кіраўнік МЗС Беларусі Максім Рыжанкоў.
«Мы сапраўды разглядаем сустрэчу прэзідэнтаў у практычнай плоскасці, і для гэтага робяцца адпаведныя крокі», — сказаў ён агенцтву на палях Генеральнай асамблеі ААН у Нью-Ёрку.
Міністр нагадаў пра запрашэнне ад Трампа на адрас Лукашэнкі прыняць удзел у Радзе міру, якая праводзілася ў ЗША летась.
«Але, ведаеце, шэраг тэхнічных пытанняў проста не дазволіў нам гэтага зрабіць. І справа не ў амерыканскім баку, а ў тым, што сёння дабрацца з Беларусі да Злучаных Штатаў Амерыкі дастаткова складана з улікам санкцый, якія Еўрапейскі саюз увёў персанальна супраць прэзідэнта і ў дачыненні да пралётаў нашых самалётаў», — дадаў Рыжанкоў.
Каментары
я б паглядзеў як яны аднаму будуць трызніць у твар)))