Спыненая дзейнасць кур’ераў тэлефонных махляроў. Затрыманыя 19 чалавек
Следчы камітэт паведаміў, што следчымі Упраўлення СК Мінскай вобласці супольна з упраўленнем па супрацьдзеянні кіберзлачыннасці УУС Мінаблвыканкама спынена дзейнасць злачыннай групы, якая дапамагала тэлефонным махлярам пазбаўляць людзей зберажэнняў.
Скрыншот відэа прэс-службы МУС
Фігуранты выконвалі ролю кур’ераў: забіралі грошы з тайнікоў, пакінутых пацярпелымі па ўказанні зламыснікаў.
Атрыманыя сродкі канвертаваліся ў крыптавалюту і пераводзіліся на электронныя кашалькі арганізатараў схемы.
Пры сілавой падтрымцы спецпадраздзяленняў МУС затрыманыя 19 чалавек, у дачыненні да сямі з іх ужытая мера стрымання ў выглядзе заключэння пад варту.
Падрабязнасці абяцаюць апублікаваць найбліжэйшымі днямі.
Каментары