Kapitalny ramont doma, što hareŭ na vulicy Lenina ŭ Minsku, praviaduć u 2027 hodzie
U Minsku zavieršanyja raboty pa adnaŭleńni dachu žyłoha doma na vulicy Lenina, jaki byŭ paškodžany ŭ červieni ŭ vyniku surjoznaha pažaru.
Pra padrabiaznaści vykananych rabot raspavioŭ hienieralny dyrektar «Minskbuda» Anatol Viadziorčyk, pišuć Minsk-naviny.
Pavodle słoŭ Anatola Viadziorčyka, ekstranyja miery byli pryniatyja adrazu paśla ŭzharańnia.
— Usie našy arhanizacyi adhuknulisia, kab spačatku ŭładkavać časovy dach i nie dapuścić zatapleńnia kvater. My zadziejničali piać arhanizacyj: usie našy tresty i «Minskrambud» — i spravilisia litaralna za 10 dzion, — raspavioŭ hienieralny dyrektar «Minskbuda».
Jon adznačyŭ, što ŭsie raboty pa ŭładkavańni novaha dachu zavieršanyja.
— Byli ŭziatyja čarciažy 1950‑ch hadoŭ, kali budavaŭsia dom, na padstavie jakich raspracavali prajekt. My paralelna viali budaŭnictva, a prajekciroŭščyki dapracoŭvali niekatoryja vuzły, pakolki z taho času adbylisia źmieny, u tym liku ŭ budaŭničych normach, — patłumačyŭ Anatol Viadziorčyk.
Akramia mantažu dachu, budaŭniki ŭciaplili jaho i adramantavali vientylacyjnyja šachty. Ciapier śpiecyjalisty pravodziać abśledavańnie budynka, kab padrychtavać jaho da dalejšych rabot.
— U nastupnym hodzie budzie vykanany kapitalny ramont hetaha doma. Im taksama zojmucca našy arhanizacyi, — dadaŭ hienieralny dyrektar «Minskbuda».
-
Palaki razabrali na miažy aŭtamabil žonki važnaha biełaruskaha čynoŭnika. U pošukach narkotykaŭ
-
Kiraŭnika adździeła Support Desk Technologies asudzili na piać hadoŭ kałonii — mierkavana, za danaty na padtrymku Ukrainy
-
Apple abnaviła spadarožnikavyja zdymki Minska. Ciapier heta samyja śviežyja kaśmičnyja zdymki stalicy
Kamientary