Kiraŭnika adździeła Support Desk Technologies asudzili na piać hadoŭ kałonii — mierkavana, za danaty na padtrymku Ukrainy
26‑hadovy Michaił Filipienka kiravaŭ vialikaj kamandaj u IT-kampanii. U 2026 hodzie maładoha čałavieka zatrymali i adpravili za kraty.
Michaił naradziŭsia ŭ Viciebsku. U 2021‑m jon skončyŭ Biełaruski dziaržaŭny ekanamičny ŭniviersitet pa śpiecyjalnaści «Kamiercyjnaja dziejnaść na zamiežnym rynku». Paśla navučańnia chłopiec bolš za paŭtara hoda adpracavaŭ pavodle prafiesii — ekanamistam u sanatoryi «Čyhunačnik» u rodnym horadzie.
Viasnoj 2023 hoda Filipienka pierajšoŭ u IT-śfieru, uładkavaŭsia ŭ minskuju kampaniju Support Desk Technologies. Pačaŭšy kiraŭnikom źmieny, mienš čym praz dva hady jon uznačaliŭ uvieś adździeł padtrymki.
U padnačaleńni Michaiła było 300 supracoŭnikaŭ, jakija zabiaśpiečvali pracu servisu ŭ kruhłasutačnym režymie. Jon paśpiachova ŭkaraniaŭ sistemy na bazie štučnaha intelektu dla vieryfikacyi dakumientaŭ i aptymizacyi apracoŭki płaciažoŭ.
Michaiła aryštavali 19 studzienia 2026 hoda. Spravu razhladaŭ Minski haradski sud. Chłopca abvinavacili pa č. 2 art. 361‑3 Kryminalnaha kodeksa. Pavodle źviestak pravaabaroncaŭ «Viasny», pryčynaj kryminalnaha pieraśledu stali danaty — hety artykuł časta vykarystoŭvajuć za padtrymku biełaruskich dobraachvotnikaŭ.
3 červienia 2026 hoda chłopcu prysudzili piać hadoŭ pazbaŭleńnia voli ŭ kałonii va ŭmovach uzmocnienaha režymu i pryznačyli vializny štraf — 225 tysiač rubloŭ (500 bazavych vieličyń).
Masavyja palityčnyja represii ŭ krainie pačalisia paśla 2020 hoda. Tady Alaksandr Łukašenka prajhraŭ Śviatłanie Cichanoŭskaj, ale nie addaŭ joj ułady, a zmusiŭ jaje vyjechać za miažu. Adbylisia masavyja narodnyja pratesty suprać dyktatury i falsifikacyi vybaraŭ. Na heta ŭłady adkazali represijami.
Pavodle padlikaŭ abjadnańnia siłavikoŭ «Biełpoł» i pravaabaroncaŭ, viadomyja imiony jak minimum 10050 čałaviek, jakija padpali pad palityčna matyvavanyja kryminalnyja spravy. Usiaho tyja ci inšyja palityčnyja represii (kryminałki, administratyŭki, zvalnieńni, pieratrusy, vymušanaja emihracyja) zakranuli sotni tysiač biełarusaŭ.
«Ekstremizmam» ułady Biełarusi ličać patrabavańnie pravieści svabodnyja vybary z prazrystym padlikam hałasoŭ, a taksama praktyčna ŭsialakuju krytyku ŭładaŭ, prarasijskich histaryčnych naratyvaŭ, prajavy salidarnaści z Ukrainaj, antyvajennyja vystupy.
«Naša Niva» — bastyjon biełaruščyny
PADTRYMAĆU Homieli za palityku asudzili kiraŭnika abjadnańnia, jakoje šukaje pareštki achviaraŭ vajny i stalinskich represij, i jaho žonku-miedsiastru
26‑hadovaha supracoŭnika elitnaha padraździaleńnia mytni asudzili na 16 hadoŭ pa nabory palitartykułaŭ. Siarod ich i «zdrada dziaržavie»
25‑hadovaha kaardynatara IT-prajektaŭ pa viartańni z Polščy asudzili za «sadziejničańnie ekstremizmu»
Što viadoma pra viciebčuka, jakoha vinavaciać u sprobie padryvu samalota ŭ Hiermanii12
Kamientary