U rajonie minskich vulic Haja i Arłoŭskaj pačali znosić pryvatny siektar
U rajonie vulic Haja i Arłoŭskaj u Minsku pačali znosić pryvatnuju zabudovu, jakaja trapiła ŭ zonu rekanstrukcyi pad novy žyły kompleks. Budaŭniki ŭžo raźbirajuć pieršyja damy, a byłyja ŭładalniki častki siadzib pierasialilisia, atrymaŭšy hrašovyja vypłaty abo kvatery ŭ novych damach, piša Domovita.by.
Pieršyja raboty pačalisia na skryžavańni vulicy Haja i 7‑ha Arłoŭskaha zavułka. Tut užo źnieśli niekalki damoŭ i rasčyścili placoŭku. U pieršuju čarhu pad znos vyznačyli 17 pryvatnych siadzib, raźmieščanych na 7-m, 4‑m i 5‑m Arłoŭskich zavułkach. U pakinutych damach kamunalnyja słužby ŭžo pierakryli haz.
Pieravažna heta staryja damy biez haradskich vyhod — ź miascovaj kanalizacyjaj i biez centralnaha vodapravoda. Ich uładalniki pahadzilisia na pierasialeńnie, vybraŭšy hrašovuju kampiensacyju abo kvatery ŭ novabudoŭlach. Pa słovach miascovaha žychara Alaksandra, niekatoryja susiedzi pierajechali ŭ damy na vulicy Maršała Łosika.
Adnak častka ŭładalnikaŭ pakidać svaje damy nie źbirajecca. Havorka idzie pieradusim pra ŭparadkavanyja katedžy, u jakich jość usie nieabchodnyja kamunikacyi. Ich haspadary nie pahadzilisia z prapanavanymi horadam umovami i chočuć zastacca na svaich učastkach. Pa słovach miascovaha žychara, znos hetych damoŭ pakul nie płanujecca, bo ŭładalniki nie pryniali prapanavanyja varyjanty kampiensacyi abo pierasialeńnia.
Terytoryja ŭ miežach vulic Ščadryna, Haja i Arłoŭskaj pavinna być istotna pierabudavana ŭ adpaviednaści z zaćvierdžanym detalovym płanam. Na miescy pryvatnaha siektara płanujuć uźvieści šmatpaviarchovyja žyłyja damy pavyšanaj pavierchavaści na styłabatach. Pieršyja dva ŭzroŭni budynkaŭ buduć adviedzienyja pad kamiercyjnyja pamiaškańni — tam płanujuć raźmiaścić kramy, apteki, kaviarni i inšyja servisy.
U bolš šyrokim maštabie pad znos u hetym rajonie vyznačyli bolš za 400 pryvatnych siadzib. Na vyzvalenaj terytoryi płanujecca pabudavać bolš za 4000 novych kvater ahulnaj płoščaj bolš za 270 tysiač kvadratnych mietraŭ. Akramia žyłych damoŭ, prajekt praduhledžvaje budaŭnictva dziciačych sadoŭ, škoły, parkinha i handlova-administracyjnaha kompleksu.
Źmieniacca praviły vyvazu kanalizacyjnych adkidaŭ z pryvatnych damoŭ
Samy darahi pradadzieny ŭ žniŭni katedž stalicy schavaŭsia nasuprać «Minsk-Śvietu»
U Minsku chutka źniknie jašče adzin zakutak pryvatnaha siektara. Tut pabudujuć žyllovy kompleks
U Minsku ciapier budujucca šeść novych handlovych centraŭ. Što za jany?
Biznesoviec rodam z Babrujska admovicca ad svajho hihanckaha aŭstralijskaha zarobku dziela šancu atrymać $35 miljonaŭ3
Kamientary