U Navapołacku nie ŭdałosia ŭratavać mazaiku na budynku byłoj škoły №5
Entuzijasty prasili zachavać chacia b frahmient mazaiki na budynku byłoj škoły №5 u Navapołacku, ale ŭratavać pano nie ŭdałosia.
U tyktoku źjaviłasia videa, na jakim ścianu z mazaikaj razburajuć.
Raniej paviedamlałasia pra sproby entuzijastaŭ zachavać pano. Praz technałohiju stvareńnia mazaiki źniać jaje sa ściany całkam było niemahčyma. Dla zachavańnia treba było albo pakinuć usiu ścianu albo vyrazać frahmienty pano razam z cahlanaj asnovaj.
Abodva varyjanty patrabavali značnych vydatkaŭ. Tamu entuzijasty prapanavali kampramis — vyrazać chacia b adzin frahmient mazaiki, kab raźmiaścić jaho ŭ inšym miescy. Jany šukali hrošy i śpiecyjalistaŭ dla takich rabot.
Škoła №5 na vulicy Dziaržynskaha, 4 pracavała z 1972 da 2021 hoda. Jaje zakryli ŭ miežach aptymizacyi, a vučniaŭ pieraviali ŭ škołu №1. Budynak vyrašyli źnieści, kab vyzvalić miesca dla inšaha abjekta.
U hetaj škole vykładali piśmieńnik i pierakładčyk Jakub Łapatka i paet-bard Siaržuk Sokałaŭ-Vojuš. Siarod jaje vypusknikoŭ — chakieisty, braty Andrej i Siarhiej Kaścicyny.
Kamientary