66‑hadovaja žančyna, jakaja z dvuch hadoŭ žyvie ŭ ZŠA, tolki ciapier daviedałasia, što nie maje hramadzianstva
U amierykanskim štacie Ńju-Jork aryštavali 66‑hadovuju Marvu Kuk, uradženku Hiermanii, jakuju abvinavačvajuć u niezakonnym udziele ŭ fiederalnych vybarach. Žančyna śćviardžaje, što nie viedała pra adsutnaść u jaje amierykanskaha hramadzianstva, piša Bild.
Kuk naradziłasia ŭ Hiermanii, ale z dvuchhadovaha ŭzrostu žyvie ŭ ZŠA, dzie jaje ŭdačaryli. Jana skončyła amierykanskuju škołu, hulała ŭ baskietboł za ŭniviersiteckuju kamandu i šmat hadoŭ pracavała ŭ dziciačym domie. Niahledziačy na heta, niadaŭna vyśvietliłasia, što hramadzianstva ZŠA jana nie atrymała.
Sama Kuk raskazała, što daviedałasia pra svajo naradžeńnie ŭ Hiermanii, kali pačała šukać bijałahičnuju maci. Pry hetym u jaje jość biesterminovy dazvoł na žycharstva ŭ ZŠA.
Čamu paśla ŭdačareńnia žančyna nie atrymała amierykanskaha hramadzianstva, zastajecca nieviadomym. Kuk sama źviarnułasia da ŭładaŭ, adnak prakuratura ličyć, što jana śviadoma ŭdzielničała ŭ vybarach, viedajučy pra adsutnaść u jaje hramadzianstva.
Kali vinu žančyny dakažuć, joj pahražaje da hoda pazbaŭleńnia voli, štraf da 100 tysiač dalaraŭ i departacyja.
Na fonie nabližeńnia pramiežkavych vybaraŭ u Kanhres ZŠA pravaachoŭnyja orhany rasśledujuć i inšyja vypadki mahčymaha niezakonnaha hałasavańnia. Pavodle infarmacyi vydańnia The Independent, u Kalifornii abvinavačańni vystavili bolš čym 20 uładalnikam pastajannaha dazvołu na žycharstva, a ŭ Miniesocie — dziesiaci asobam.
Ciapier čytajuć
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju1010
Kamientary
Ona hraždanka inoho hosudarstva
Ameryka daje čadu...