U Homieli žančyna ledź vyžyła, paviačeraŭšy blednymi pahankami. Google zapeŭniŭ jaje, što heta syraježki

Žančyna pryznałasia, što nie pravieryła hryby naležnym čynam i nie zastrachavałasia ad niebiaśpieki, choć i sumniavałasia ŭ tym, što heta syraježki. Dźvie vialikija hrybnyja šapki jana pryhatavała ŭ klary, papiarednie absmažyŭšy ich syrymi. Paśla hetaha hryby jašče niekalki dzion pralažali ŭ chaładzilniku, pierš čym jana ich źjeła. Hamialčanka adznačyła, što ciapier baicca navat ujavić, što mahło b zdarycca, kali b hetyja hryby pakaštavali jaje rodnyja.

@svetik_semicvetik777 #otravlenije blednoj pohankoj #kak vsio načinałoś #Časť 1# Nikto osobo nikohda nie zamoračivajetsia i nie dumajet o tom,čto možiet byť.A jeśli i zamoračivajutsia,to tožie popadajut v žiźniennyje łovuški.Tak słučiłoś i so mnoj,nie dumała,nie hadała.Prosto słučiłoś.Nie pierieprovieriła,nie pieriestrachovałaś.Možno było prosto vybrosiť.No užie proizošło.Na foto oboznačieny dvie ohromnyje šlapki,kotoryje ja upotriebiła v piŝu.Huhł vydał mnie syroježki,no ja ponimała,čto eto nie oni i vsio ravno prihotoviła.Prihotoviła kak zontiki v syrom vidie obžariła v klarie.I jeŝio paru dniej oni prihotovlennyje ležali v chołodilnikie i ždali svojeho časa.Vozmožno ja ubieriehła svoich rodnych ot vsievozmožnoho horia i niesčasťja strašno podumať,ieśli by ich upotriebili moi rodnyje.#MinskNaučno -praktičieskij cientr chirurhii transpłantołohii i hiematołohii #riek ♬ Nuclear Alarm Siren - Prestigigator

Hryby žančyna źjeła 13 kastryčnika kala siomaj viečara. Na smak jany ničym nie adroźnivalisia ad zvyčajnych. Kala treciaj hadziny nočy jana pračnułasia, źjeła cukierku i nieŭzabavie adčuła młosnaść. Spačatku padumała, što pryčyna ŭ sałodkim, i znoŭ lehła spać.

Adnak ranicaj, kali treba było iści na pracu, młosnaść nie prajšła. Kala pałovy dziaviataj pačalisia mocnyja vanity. Kalehi paraili nie marudzić i vyklikać chutkuju dapamohu. Žančyna adznačyła, što simptomy atručvańnia źjavilisia nie adrazu: pamiž užyvańniem hryboŭ i rezkim paharšeńniem samaadčuvańnia prajšło niekalki hadzin. Pry hetym jana jašče nie padazravała, što źjeła blednuju pahanku.

Miedrabotniki chutkaj dapamohi akazali joj pieršuju dapamohu i advieźli ŭ balnicu z dyjahnazam «atručvańnie hrybami». Spačatku hamialčanka dumała, što chutka papravicca i jaje adpuściać dadomu.

U balnicy ŭ jaje brali analizy, rabili UHD i vyrašyli pakinuć pad nahladam, navat kali stan časova palepšycca. Žančyna raskazvała, što jaje puls byŭ słaby, cisk panižany, a śviadomaść — nibyta zatumanienaja. Pry hetym bolu jana nie adčuvała, tempieratura amal uvieś čas zastavałasia narmalnaj. Pieršyja try dni jaje mocna kałaciła ad choładu, adčuvalisia słabaść i mlavaść.

Hamialčancy stavili kropielnicy, i, pavodle jaje słoŭ, u peŭny momant ich kolkaść pieravysiła 15 za dzień. Jana śćviardžaje, što miedyki spačatku nie vieryli ŭ atručvańnie blednaj pahankaj. Pavodle jaje viersii, damahčysia naležnaj uvahi da hetaha dyjahnazu dapamahli rodnyja, jakija źviartalisia da kiraŭnictva i telefanavali ŭ Ministerstva achovy zdaroŭja.

Na druhi dzień analizy pačali paharšacca. Młosnaść nie prachodziła, choć vanitaŭ užo nie było, a ŭsio navokał nibyta płyło pierad vačyma. Bijachimičnyja pakazčyki kryvi praviarali kožnyja šeść hadzin.

Na trecija sutki pačałasia mocnaja dyjareja, jakaja paŭtarałasia prykładna kožnyja paŭhadziny. Žančyna raskazvała, što praź źniasileńnie ledź trymałasia na nahach i była vymušanaja spać, siedziačy na viadry. Jana padrychtavała padhuźniki i srodki hihijeny, bo saromiełasia dastaŭlać kamuści niazručnaści.

Kali ŭzrovień fiermientaŭ u kryvi rezka vyras, joj praviali pieršy płazmafierez — praceduru ačyščeńnia kryvi. Pavodle jaje słoŭ, heta było baluča i strašna. Na nastupny dzień zrabili druhuju praceduru, paśla čaho pieralili donarskuju płazmu. Čatyry dni žančyna ničoha nie jeła i atrymlivała nieabchodnuju padtrymku praz kropielnicy.

Pakolki stan nie palapšaŭsia, 17 kastryčnika pacyjentku pieravieźli ŭ reanimacyju Navukova-praktyčnaha centra chirurhii, transpłantałohii i hiematałohii ŭ Minsku. Spačatku joj zrabili kampjutarnuju tamahrafiju hałaŭnoha mozha, paśla čaho źmiaścili ŭ reanimacyjnaje adździaleńnie.

Miedyki adrazu patłumačyli mahčymy dalejšy płan lačeńnia. Kali b uzrovień fiermientaŭ praciahvaŭ raści, spatrebiłasia b bolš intensiŭnaje ačyščeńnie kryvi, a pry adsutnaści vyniku daviałosia b rychtavacca da pierasadki piečani.

U niadzielu fiermienty pačali źnižacca, adnak lekary nie śpiašalisia rabić vysnovy pra vyzdaraŭleńnie, bo pry atručvańni blednaj pahankaj stan moža być zmanlivym. Žančynie praciahvali stavić kropielnicy, dadali mačahonny preparat i pastavili mačavy katetar. U paniadziełak paśla ahladu joj paviedamili, što možna pieravieści jaje ŭ pałatu.

@svetik_semicvetik777 #otravlenije blednoj pohankoj #rieanimacija pozadi/pierievod v pałatu#Minsk Naučno-praktičieskij cientr chirurhii,transpłantołohii i hiematołohii#riek ♬ orihinalnyj zvuk - TGK:black_angi

Niahledziačy na palapšeńnie, lačeńnie zastavałasia ciažkim. Vieny ŭžo drenna vytrymlivali šmatlikija ŭkoły i łopalisia, praz što miedykam było składana brać kroŭ dla analizaŭ. U miescach praciahłaha ŭviadzieńnia lekaŭ praz katetary ŭźnikała zapaleńnie, a časam preparaty traplali pad skuru. Žančyna adznačyła, što ŭsio heta supravadžałasia bolem i stracham.

• 1
• 1
• 1
• 3
• 4
• 3
• 0
• 0