U siamji Cieplakovych, dzie dačka-vunderkind u 9 hadoŭ pastupiła va ŭniviersitet, naradziłasia dziasiataje dzicia. Jamu dali niezvyčajnaje imia
Baćka z kožnym razam šukaje ŭsio bolš i bolš cikavyja varyjanty, jak nazvać dziaciej.
Jaŭhien Cieplakoŭ — kamunist sa Škłova. Jon paśpieŭ papracavać u Kitai, dzie maryŭ zastacca žyć razam ź siamjoj, ale ŭ vyniku viarnuŭsia na radzimu žonki ŭ Rasiju. Uładkavałasia siamja ŭ Maskvie.
Cieplakovy stali zorkami ŚMI ŭ 2021 hodzie, kali starejšaja dačka Alisa va ŭzroście 9 hadoŭ pastupiła ŭ Maskoŭski dziaržaŭny ŭniviersitet imia Łamanosava vučycca na psichołaha. Na płatnaje — ale vynik usio adno ŭražvaje, uličvajučy toj fakt, što adnahodki dziaŭčynki vučylisia ŭ trecim kłasie.
Aficyjnaje miesca pracy Jaŭhiena — siamiejny dziciačy sad «Žuravuška». Tak, jon atrymlivaje zarpłatu za toje, što zajmajecca svaimi ž dziećmi. Ale vyniki ŭražvajuć. Małyja Cieplakovy ŭ 8‑9 hadoŭ zakančvajuć škołu i zdajuć rasijski anałah CT.
Jaŭhien viadzie YouTube-kanał «Vučymsia z Alisaj», dzie pieryjadyčna dzielicca navinami siamji. Niadaŭna Jaŭhien z honaram prademanstravaŭ padpisčykam niemaŭla.
«Siabry, pradstaŭlajem vam Hradoša. Tadadadam! Hradoš! Zavodzim novych Alis!» — zajaviŭ prafiesijny baćka vunderkindaŭ.
U astatnich dziaciej (akramia Alisy) taksama niebanalnyja imiony. U siamji rastuć Chiejmdal, Fiejłunh, Ajłunh, Tesiej, Sulejman, Tera, Leja i Alryk Finist Alryjon (trajnoje imia atrymaŭ dziaviaty syn).
Dva hady tamu Cieplakovy atrymali ad rasijskaj dziaržavy hrošy na novaje žyllo i kupili čatyrochpakajovuju kvateru płoščaj kala 100 kvadratnych mietraŭ.
Paśla taho, jak Hradošu spoŭnicca hod, Natalla Cieplakova zmoža pretendavać na zvańnie «Maci-hierainia» (prysudžajuć jaho žančynam, jakija naradzili i hadujuć 10 dziaciej) — za takoje bonusam dajuć kala $12500.
Imavierna, na dasiahnutym Cieplakovy nie płanujuć spyniacca. Letaś Jaŭhien razvažaŭ na temu taho, kolki dziaciej musić być u siamji:
«Žančyna nie moža być ščaślivaja, kali ŭ jaje ŭsiaho troje dziaciej. Heta mała ciažarnaściaŭ. Žanočy arhanizm raźličany, što jon budzie sustrakać šmat kachańnia, adpaviedna, budzie šmat dziaciej: 10-15, a moža, 25! Nu chacia b 5‑6 dziaciej — heta minimalnaja kolkaść, kali žonka zadavolenaja ŭ adnosinach».
Ciapier čytajuć
Palčys zajaviŭ, što heta jon kaardynavaŭ pratesty 2020 hoda ź Minska i pisaŭ płany pieršych maršaŭ106
Palčys zajaviŭ, što heta jon kaardynavaŭ pratesty 2020 hoda ź Minska i pisaŭ płany pieršych maršaŭ
Nastaśsia Kaściuhova pra pazicyju Statkieviča i Cichanoŭskaj: Prapanova «dacisnuć» hučyć jak prapanova jašče pačakać niezrazumieła čaho i jak doŭha3434
Nastaśsia Kaściuhova pra pazicyju Statkieviča i Cichanoŭskaj: Prapanova «dacisnuć» hučyć jak prapanova jašče pačakać niezrazumieła čaho i jak doŭha34
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich2121
Kamientary