Virusicca hulnia, dzie možna naradzicca ŭ luboj krainie na śviecie
Hulniu 1 in 8 Billions («Adzin z 8 miljardaŭ») vypuścili 5 kastryčnika, i mienš čym za miesiac jana skaryła karystalnikaŭ pa ŭsim śviecie. Čamu pražyvać čužyja žyćci tak zaciahvaje?
1 in 8 Billions — prajekt paŭdniovakarejskaha raspracoŭščyka, jaki pracuje pad psieŭdanimam Džyn Chvijos. Z dapamohaj niejrasietki Claude jon usiaho za čatyry hadziny stvaryŭ hulniu, što pieratvaryłasia ŭ internet-fienamien.
Ciapier hulnia dastupnaja na 14 movach. Kab raspačać jaje, treba zajści na sajt hulni i nacisnuć na knopku «Naradzicca» — «To be born», kali vy abirajecie anhłamoŭnuju viersiju. Prahrama padbiraje, u jakoj krainie narodzicca vaš piersanaž, u zaležnaści ad sapraŭdnaha nasielnictva roznych krain: zrazumieła, što i ŭ realnym žyćci šans naradzicca ŭ Kitai ci Indyi našmat bolšy, čym, naprykład, u Biełarusi.
Dalej prahrama stvaraje asobnuju staronku dla vašaha piersanaža. Jaho žyćcio budzie zaležyć ad dachodu siamji, zdolnaściej, miesca naradžeńnia i šmatlikich inšych faktaraŭ, jakija vy nie zmožacie vybrać — usio heta zaležyć ad statystyčnaj vierahodnaści. Vy zmožacie prymać važnyja rašeńni za piersanaž, ale daviadziecca budavać jaho ščaślivaje žyćcio, niahledziačy na kryzisy, chvaroby i vojny, a časam i na adsutnaść dostupu da kantracepcyi i srodkaŭ hihijeny.
Naprykład, ałharytmy vyrašyli, što vaš piersanaž — dziaŭčynka ź siamji fiermieraŭ va Uhandzie. U pieršyja hady žyćcia jaje atačaje niastača ježy, jana chvareje na malaryju. U 6 hadoŭ vaš piersanaž zarablaje hrošy fizičnaj pracaj i tolki ŭ 8 idzie ŭ škołu. Ale ŭ 10 hadoŭ piersanažu davodzicca kinuć vučobu i viartacca da fizičnaj pracy.
Kali hierainia trochi padraście, źjavicca mahčymaść zarabić joj hrošy chacia b na niekalki hadoŭ vučoby ŭ škole. Jana sychodzić ad muža praz chatni hvałt, naradžaje šeść dziaciej i tolki ŭ 32 hady zakančvaje ŭniviersitet, a potym ledź daje rady pazykam i atrymlivaje zaležnaść ad narkotykaŭ.
Hulnia chutka nabrała papularnaść u sacsietkach: praź dziesiać dzion paśla zapusku, pavodle ličylnika na sajcie hulni, jaje prachodzili adnačasova bolš za 84 tysiačy čałaviek. Tyja, chto ŭžo paśpieŭ pahulać u 1 in 8 Billions, dzielacca svaimi ŭražańniami ŭ sacsietkach — jość vodhuki i pa-rusku, i navat pa-biełarusku. Šmat kamu z karystalnikaŭ hulnia dapamahła zrazumieć, nakolki žyćcio čałavieka zaležyć ad krainy i siamji, dzie jon naradziŭsia.
«Naša Niva» — bastyjon biełaruščyny
PADTRYMAĆCiapier čytajuć
Babaryka raskazaŭ, jak chadziŭ u KDB znajomicca sa spravaj svajho represavanaha dzieda, jaki moh być rasstralany ŭ Kurapatach5
Babaryka raskazaŭ, jak chadziŭ u KDB znajomicca sa spravaj svajho represavanaha dzieda, jaki moh być rasstralany ŭ Kurapatach
Daradca prezidenta Polščy prakamientavaŭ zvarot Kaleśnikavaj i Zołatavaj: Łukašenka vypuskaje niekalki dziasiatkaŭ viaźniaŭ, a na nastupny dzień zatrymlivaje novych1616
Kamientary