Jeŭrapiejskija krainy z najbujniejšymi abaronnymi biudžetami nazvali Rasiju hałoŭnaj pahrozaj biaśpiecy i paabiacali padtrymlivać Ukrainu
26 kastryčnika ŭ Paryžy adbyłasia sustreča hrupy E5 — krain z najbujniejšymi abaronnymi biudžetami. Ministry abarony Vialikabrytanii, Hiermanii, Italii, Polščy i Francyi sabralisia, kab abmierkavać padtrymku Ukrainy napiaredadni zimy, piša Bloomberg.
Pa vynikach sustrečy jany nazvali Rasiju hałoŭnaj doŭhaterminovaj pahrozaj biaśpiecy Jeŭropy i paabiacali praciahvać padtrymlivać Ukrainu, niahledziačy na zbližeńnie Vašynhtona z Maskvoj.
«Našy krainy padzialajuć mierkavańnie, što Rasija ŭjaŭlaje saboj najbolš vostruju i doŭhaterminovuju pahrozu jeŭraatłantyčnaj biaśpiecy i stabilnaści», — havorycca ŭ vynikovaj zajavie.
Pavodle słoŭ ministraŭ, vajna suprać Ukrainy i ŭzmacnieńnie hibrydnych atak u Jeŭropie «nie tolki nie padryvajuć naša adzinstva i salidarnaść, ale i ŭmacoŭvajuć našu rašučaść praciahvać užo raspačatyja namahańni dla zabieśpiačeńnia cełasnaści i biaśpieki terytoryi sajuźnikaŭ».
Ministry paabiacali praciahvać padtrymku Ukrainy, ale nie abviaścili pra novyja pakiety vajennaj abo finansavaj dapamohi, adznačaje Bloomberg. Padčas sustrečy jany abmiežavalisia paćviardžeńniem svaich raniejšych abaviazacielstvaŭ.
Ministr abarony Hiermanii Barys Pistoryus padkreśliŭ, što sajuźniki prykładuć namahańni, kab zachavać amierykanskuju padtrymku Ukrainy: «My zrobim usio mahčymaje, kab ZŠA taksama praciahvali padtrymlivać Ukrainu pastaŭkami, raźviedvalnaj infarmacyjaj i spadarožnikavymi danymi».
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?19
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary