Dvoje hramadzian Biełarusi mohuć być datyčnyja da dyviersii na abaronnym zavodzie ŭ Rumynii
Rumynskija pravaachoŭnyja orhany rasśledujuć mahčymuju datyčnaść dvuch hramadzian Biełarusi i adnaho hramadzianina Ukrainy da pažaru na pramysłovym abjekcie ŭ horadzie Brašoŭ. Pavodle viersii śledstva, jany mohuć uvachodzić u dyviersijnuju sietku, jakaja płanavała akcyi ŭ Rumynii i inšych krainach Jeŭrasajuza.
Jak paviedamlaje Rumynskaje ŭpraŭleńnie pa rasśledavańni arhanizavanaj złačynnaści i teraryzmu (DIICOT), pažar adbyŭsia ŭ vieraśni 2026 hoda kala pradpryjemstva CARFIL SA, jakoje ŭvachodzić u skład dziaržaŭnaj kampanii CN ROMARM. Za dziejnaściu padazravanych sačyli supracoŭniki DIICOT i ŭpraŭleńnia pa baraćbie z arhanizavanaj złačynnaściu pry padtrymcy Rumynskaj słužby infarmacyi (SRI).
Dvuch fihurantaŭ znajšli i ŭziali pad vartu ŭ Hiermanii. Pavodle infarmacyi rumynskich uładaŭ, jany rychtavali padobnyja dziejańni. Hramadzianstva zatrymanych u paviedamleńni nie ŭdakładniajecca.
26 kastryčnika byŭ vydadzieny treci jeŭrapiejski ordar na aryšt — u dačynieńni da abvinavačanaha, jakoha znajšli ŭ Polščy. Ci byŭ jon zatrymany, rumynskija ŭłady nie paviedamlajuć.
Pavodle viersii śledstva, fihuranty taksama płanavali akcyi suprać inšych abjektaŭ u Rumynii i inšych krainach Jeŭrasajuza. Rasśledavańnie viadziecca pa fakcie padrychtoŭki dyviersijnych aktaŭ. Rumynskija ŭłady prymajuć miery, kab pieradać padazravanych svajoj krainie.
DIICOT, Ministerstva ŭnutranych spraŭ Rumynii i SRI praciahvajuć vyśviatlać, chto jašče moh być datyčny da spravy, a taksama aceńvajuć mahčymyja pahrozy dla stratehičnych abjektaŭ. Imiony fihurantaŭ, mierkavanych arhanizataraŭ sietki i mahčymych zakazčykaŭ u aficyjnym paviedamleńni nie nazyvajucca.
Rumynija znoŭ pierastała vydavać vizy biełarusam. Treci raz za hod
Pieradadzieny Polščaj u Biełaruś u ramkach abmienu ahient Nadziejka paviedamlaŭ KDB proźviščy ŭdzielnikaŭ «Paspalitaha rušeńnia»
Turcyja prapanavała Rasii i Ukrainie raźvieści sudny ŭ Čornym mory
Kala ŭźbiarežža Bałharyi drony atakavali dva handlovyja sudny, adno zatanuła
Ciapier čytajuć
KDB zapuściŭ novy bot u telehramie dla viarboŭki biełarusaŭ za miažoj. Prapanujuć rasklejvać ulotki, fatahrafavać abjekty i «niešta inšaje»11
Kamientary