U Minsku nie zastałosia nivodnaha rajona, dzie siaredni košt kvadrata žylla byŭ by mienš za $2000
Dzie samyja darahija kvatery?
U Minsku ŭžo nie zastałosia nivodnaha rajona, dzie siaredni košt kvadratnaha mietra žytła byŭ by mienš za $2000, adznačyli ŭ Nacyjanalnym kadastravym ahienctvie (NKA).
U NKA raspaviali pra najbolš cikavyja trendy na rynku, piša Office Life. Adzin ź ich — źnižeńnie z pačatku hoda prapanovy na druhasnym rynku z 6,8 da 4,5 tysiačy kvater. Tamu ŭ damach ad 1980 hoda i starej kolkaść ździełak upała na 10−23% u zaležnaści ad hoda pabudovy.
Samaje darahoje žytło zaraz u Centralnym rajonie. U III kvartale kvadratny mietr tam kaštavaŭ u siarednim $2740. U top-3 uvachodziać Kastryčnicki i Saviecki rajony — adpaviedna $2570 i $2440.
Tańniej za ŭsio «kvadrat» kaštavaŭ u Zavodskim rajonie — $2020, Leninskim — $2070 i Frunzienskim — $2170. Pry hetym bolš za ŭsio kvater za lipień — vierasień było pradadziena ŭ Kastryčnickim rajonie, dzie raźmieščany ŽK «Minsk-Śviet» — 732 ździełki.
Cikava, što ŭ paraŭnańni z II kvartałam najbolšy rost siaredniaj cany žytła zafiksavany ŭ Kastryčnickim i Maskoŭskim rajonach — pa 7%, a taksama ŭ Centralnym, Savieckim i Partyzanskim — pa 6%. Mienš za ŭsio padaraželi kvatery ŭ Leninskim rajonie — na 3%.
Samym zapatrabavanym žytłom pa-raniejšamu źjaŭlajucca nievialikija kvatery da 40 kvadratnych mietraŭ. Ich dola ŭ kvartalnych prodažach vyrasła da 34%. I, adpaviedna, «adnapakajoŭki» samyja darahija — u siarednim $2520 za kvadratny mietr.
Jašče adzin važny fakt: bolš darahija kvatery rastuć u canie chutčej, čym tannyja. I, darečy, za try papiarednija miesiacy ŭ Minsku kupili 23 kvatery, daražejšyja za 1 młn rubloŭ.
Pry hetym u NKA adznačyli, što ŭ kastryčniku ekśpierty pačali fiksavać pieršyja prykmiety achaładžeńnia rynku.
Ciapier čytajuć
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich2121
Kamientary
Brr