Daroha była praciahłaj: žychary akupavanych Alešak dabiralisia da rasijskaj Anapy na aŭtobusach, paśla čaho praviali niekalki hadzin u pavietry, lacieŭšy ŭ Homiel, piša BiełTA.
Dla ich sustrečy zadziejničali ŭvieś kompleks aeraporta, razharnuŭšy paŭnavartasny namiotavy haradok.
Śpiecyjalisty MNS, miedyki i vałanciory Čyrvonaha Kryža nieadkładna pačali akazvać dapamohu evakujavanym žycharam, jakija prybyli faktyčna z zony bajavych dziejańniaŭ. Ich sustreła vialikaja kamanda supracoŭnikaŭ ratavalnaha viedamstva, vałancioraŭ i daktaroŭ.
Samym maleńkim pasažyram prapanujuć pravieści čas u hulniavych zonach — naprykład, pahladzieć multfilmy.
U aeraporcie Homiela žychary Alešak buduć čakać vyjezdu ŭ «Novuju Hutu» — mienavita praz hety punkt propusku im treba budzie prajechać na terytoryju Ukrainy, kudy jany pažadali pierabracca z akupavanaha rasijanami miastečka pad Chiersonam.
Aleški, jakija znachodziacca pad rasijskim kantrolem, na praciahu apošnich miesiacaŭ apynulisia ŭ situacyi, blizkaj da humanitarnaj katastrofy. Horad pastajanna abstrelvajuć, a mahčymaści vyjechać adtul amal niama, bo bolšaść daroh zaminavanaja.
U kancy kastryčnika pry pasiarednictvie Miełanii Tramp Rasija i Ukraina damovilisia pra łakalnaje spynieńnie ahniu, kab dać žycharam mahčymaść pakinuć horad. Režym cišyni pačaŭ dziejničać 27 kastryčnika i, pavodle damoŭlenaści, pavinien praciahvacca da 1 listapada. Absalutnaja bolšaść žycharoŭ pažadała viarnucca va Ukrainu.
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu7
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1919
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich19
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary