Vieniadziktaŭ: U adnym z abmienaŭ, pra jaki hučna nie kazali, Ukraina vyzvaliła niekalki dziasiatkaŭ biełaruskich najomnikaŭ
Były hałoŭny redaktar radyjostancyi «Echo Moskvy» Alaksiej Vieniadziktaŭ u intervju Illu Varłamavu parazvažaŭ, nakolki Łukašenka zaležny ad Pucina i što staić za damoŭlenaściami ab vyzvaleńni palitviaźniaŭ.
«Łukašenka źjaŭlajecca pieradavalnym źvianom u pieramovach z amierykancami. Jon, viadoma, chitry, jon sprabuje vycisnuć sa svajho stanovišča pamiž Rasijaj i Jeŭropaj niejkija vyhody. Jak Alaksandr Ryhoravič kruciŭsia raniej, tak i budzie krucicca», — ličyć Alaksiej Vieniadziktaŭ.
Illa Varłamaŭ źviarnuŭ uvahu, što, pavodle niekatorych naziralnikaŭ, Pucin užo daŭno ciśnie na Łukašenku, damahajučysia adkryćcia druhoha frontu suprać Ukrainy.
«Nu i što? Słuchaj, jany na ŭsich akazvajuć cisk», — zaŭvažyŭ Vieniadziktaŭ.
Na pramoje pytańnie, ci moža siońnia Łukašenka admović Pucinu, były hałoŭny redaktar «Echo Moskvy» adkazaŭ:
«U niejkich pytańniach, viadoma, [moža]».
Na dumku žurnalista, reč nie tolki ŭ tym, nakolki mocna Pucin ciśnie na Łukašenku i ci zdolny toj supraciŭlacca. Rasijski kiraŭnik taksama razumieje, što Łukašenka moža być karysny jamu ŭ roznych palityčnych kambinacyjach. Kali nie atrymlivajecca vykarystać jaho ŭ adnoj, jon moža spatrebicca ŭ inšaj.
«Kali ich prezident prosić, niachaj buduć palitviaźniami»
Ad adnosin z Pucinym razmova pierajšła da kantaktaŭ Łukašenki z administracyjaj Donalda Trampa. Varłamaŭ nazvaŭ toje, što adbyvajecca apošnija hod-paŭtara, svojeasablivym handlem, u jakim biełaruski bok «pradaje zakładnikaŭ optam» u abmien na sastupki z amierykanskaha boku.
Na dumku Vieniadziktava, takoje apisańnie zanadta sproščanaje. Jon zhadaŭ historyju pra adnu ź pieršych sustreč Łukašenki sa śpiecpasłańnikam amierykanskaha prezidenta Džonam Koŭłam.
«Jany tam sieli razmaŭlać piać na piać, kiraŭniki aparatu Łukašenki, staršynia KDB, ministr unutranych spraŭ, ministr abarony. I Koŭł kaža: «Spadar prezident, moj prezident Donald Tramp choča paprasić vas vyzvalić voś 25 palitviaźniaŭ».
Łukašenka jamu adkazvaje jak narmalny Łukašenka: «U nas niama palitviaźniaŭ, heta ŭsio bandyty, terarysty, machlary, chulihany, padpalščyki Trampa i hetak dalej». Koŭł jamu kaža: «Alaksandr Ryhoravič, vy mianie nie zrazumieli. Moj prezident Donald Tramp prosić vas vyzvalić» — i dastaje ź pinžaka listočak — «voś hetych 25 palitviaźniaŭ».
Łukašenka pavaročvajecca da svajho načalnika KDB, nie pamiataju, jak zavuć, kaža: «Słuchaj, kaža, nu kali ich prezident prosić, nu jakaja nam roźnica, jak ich nazyvać? Nu niachaj buduć palitviaźni, addaj im hetych bandytaŭ».
Aproč taho, pa słovach Vieniadziktava, «u adnym z abmienaŭ, pra jaki hučna nie kazali», Ukraina vyzvaliła niekalki dziasiatkaŭ biełaruskich hramadzian, jakija vajavali ŭ składzie rasijskich vojskaŭ.
«Heta byŭ abmien ludziej na ludziej, a nie na sankcyi, nie tolki na sankcyi. Tamu, znoŭ ža, heta ŭsio značna tančej. Nie treba tut razmachvać łozunhami «Mir. Praca. Maj», — davodzić były hałoŭny redaktar «Echo Moskvy».
«Voś zaraz zamirymsia. Nivodnaha strełu. I? Voś heta katastrofa. Tamu što da hetaha nie hatovyja» — Vieniadziktaŭ
Redaktar «Echo Moskvy»: Rasijskija kiraŭniki staviacca da Biełarusi jak da Kryma. Kali ŭpadzie ŭ ruki — tady i voźmiem
«A zmožacie vylecieć zaŭtra?» Džon Koŭł raskazaŭ, jak piŭ z Łukašenkam harełku, kab damovicca pra vyzvaleńnie palitviaźniaŭ
Ciapier čytajuć
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu5
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1919
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich19
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary
[Zredahavana]