«Ja vielmi sumuju pa jakaści». Błohierka ź Biełarusi raskazała, što joj nie spadabałasia paśla pierajezdu ŭ Jekaciarynburh
Jaje post zaŭvažyła miascovaja presa — pad publikacyjaj sabrałasia bolš za sotniu kamientaroŭ, u tym liku nie samych haścinnych — prapanavali jechać nazad.
Błohierka Hiela — Anhielina Šyhalova, jakaja raniej pracavała karespandentkaj STB, pierajechała ź Biełarusi ŭ Rasiju, raskazała, što joj padabajecca i što nie padabajecca ŭ novym horadzie.
U poście Hiela paraŭnoŭvaje žyćcio ŭ Biełarusi i Jekaciarynburhu. Adna z rečaŭ, da jakich joj ciažka pryzvyčaicca, — miascovyja małočnyja pradukty.
«Ja vielmi sumuju pa jakaści biełaruskaj pradukcyi. Smačnaje małako, śmiatana. Viadoma, tut taksama pradstaŭlenaja biełaruskaja pradukcyja, ale ŭ niekalki razoŭ daražejšaja», — kaža jana.
Jašče adna pretenzija — zatory. Pavodle błohierki, u Jekaciarynburhu šmat addalenych rajonaŭ, adkul ciažka dabracca da centra.
«Tak, u Minsku jany taksama jość, ale adčuvajucca nie tak, jak tut». Daroha da centra, pavodle jaje, moža zabrać hadzinu.
A voś padabajecca joj apłata praz QR-kody: možna raźličvacca telefonam, nie nosiačy z saboj kašalok. Jašče adzin plus — zakrytyja dvary biez aŭtamabilaŭ. U adnym z takich jana žyvie i sama.
24 kastryčnika jaje post pierakazaŭ jekaciarynburhski partał E1.RU. Publikacyja sabrała kala 180 kamientaroŭ. I tam była nie tolki padtrymka.
«Navošta ty siudy tady pryjechała, kali ŭ nas tak drenna?» — napisaŭ adzin z čytačoŭ.
«Jedź nazad. Hiela, tabie tut nie miesca», — adreahavaŭ inšy.
Niekatoryja kamientatary pierajšli da abmierkavańnia jaje źniešnaści i maŭleńnia: «Pryhožańkaja, ale drenna adukavanaja», — adpomściŭ niechta za Jekaciarynburh.
Ciapier čytajuć
Sofja Sapieha: Pratasievič nahavaryŭ na mianie ceły tom kryminalnaj spravy38
Sofja Sapieha: Pratasievič nahavaryŭ na mianie ceły tom kryminalnaj spravy
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary
A jak ža GPay i Apple? Ale ž heta Orkastan - tam nie pracuje.
dažie briuki u mienia i tie na mołnii ,
a vina u nas v domu , kak iz kładiezia ,
i sortir u nas v domu vosieḿ na diesiať .