Mistera Darsi syhrała zorka «Pavolnych koniej» i mahčymy budučy Bond Džek Łoŭden.
Netflix prezientavaŭ paŭnavartasny trejler mini-sieryjała «Pycha i pieraduziataść» pa kultavym ramanie Džejn Ościn. Film vyjdzie na stryminhavaj płatformie 3 śniežnia. Usiaho sieryjał budzie składacca z šaści epizodaŭ.
Rolu Elizabet Benet vykanała Ema Koryn («Nośfieratu», «Čornaje lusterka»), a mistera Darsi— Džek Łoŭden («Pavolnyja koni»). Baćkoŭ Elizabet syhrali Alivija Koŭłman i Rufus Śjueł.
U pačatku trejlera Elizabet i jaje siastra Džejn lažać na dachu i abmiarkoŭvajuć budučyniu.
«Kali-niebudź, Džejn, ja stanu abo huviernantkaj i viekavuchaj, abo žonkaj i maci. I tady my narešcie zmožam pahavaryć pra što-niebudź inšaje», — kaža Elizabet.
«Pycha i pieraduziataść» — znakamity raman Džejn Ościn, napisany ŭ 1813 hodzie. U centry siužeta — historyja kachańnia Elizabet Benet i mistera Darsi, jakaja razhortvajecca na fonie sacyjalnaj niaroŭnaści i zababonaŭ.
Knihu nieadnarazova ekranizavali. U 1995 hodzie na ekrany vyjšaŭ sieryjał z Kolinam Fiertam i Dženifier El, a ŭ 2005‑m — film z Mećju Makfejdenam i Kiraj Najtli.
Kamientary