Містэра Дарсі сыграла зорка «Павольных коней» і магчымы будучы Бонд Джэк Лоўдэн.
Netflix прэзентаваў паўнавартасны трэйлер міні-серыяла «Пыха і перадузятасць» па культавым рамане Джэйн Осцін. Фільм выйдзе на стрымінгавай платформе 3 снежня. Усяго серыял будзе складацца з шасці эпізодаў.
Ролю Элізабэт Бэнэт выканала Эма Корын («Носферату», «Чорнае люстэрка»), а містэра Дарсі— Джэк Лоўдэн («Павольныя коні»). Бацькоў Элізабэт сыгралі Алівія Коўлман і Руфус Сьюэл.
У пачатку трэйлера Элізабэт і яе сястра Джэйн ляжаць на даху і абмяркоўваюць будучыню.
«Калі-небудзь, Джэйн, я стану або гувернанткай і векавухай, або жонкай і маці. І тады мы нарэшце зможам пагаварыць пра што-небудзь іншае», — кажа Элізабэт.
«Пыха і перадузятасць» — знакаміты раман Джэйн Осцін, напісаны ў 1813 годзе. У цэнтры сюжэта — гісторыя кахання Элізабэт Бэнэт і містэра Дарсі, якая разгортваецца на фоне сацыяльнай няроўнасці і забабонаў.
Кнігу неаднаразова экранізавалі. У 1995 годзе на экраны выйшаў серыял з Колінам Фертам і Джэніфер Эль, а ў 2005‑м — фільм з Мэцью Макфэйдэнам і Кірай Найтлі.
Цяпер чытаюць
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек44
Каментары